الماتىدا 3-تامىزدان باستاپ جول اقىسى 120 تەڭگە بولادى

الماتى. KAZINFORM - الماتىدا قالالىق ماسليحاتپەن كەلىسىلگەن جانە ساراپشىلارمەن بەلسەندى تالقىلانعان قوعامدىق كولىكتە جۇرۋگە 120 تەڭگە تاريف 3-تامىزدان باستاپ كۇشىنە ەنەدى.

اكىمدىكتىڭ قاۋلىسىنا سايكەس، 3-تامىزدان باستاپ جول اقىسىن قولما- قول اقشامەن تولەۋ مۇمكىندىگى الىنىپ تاستالادى. بۇل شارا، ەڭ الدىمەن، تاسىمالداۋ قاۋىپسىزدىگىن قامتاماسىز ەتۋگە بايلانىستى، ويتكەنى اۆتوبۋس جۇرگىزۋشىسى اقشا جيناۋعا الاڭداماي، تەك كولىك قۇرالىن باسقارۋى كەرەك.

قالالىق موبيلدىلىك باسقارماسى بۇگىندە جولاۋشىلاردىڭ � دان استامى جول اقىسىن قولما-قول اقشاسىز تولەيتىنىن اتاپ ءوتتى.

قالا تۇرعىندارى مەن مەگاپوليس قوناقتارىنا قولما قول اقشاسىز ەسەپ ايىرىسۋدىڭ بىرنەشە ءادىسى قول جەتىمدى:

- Onay فيليالدارىندا جانە 115 كليەنتتەرگە قىزمەت كورسەتۋ ورىندارىندا ساتىپ الۋعا بولاتىن كولىك كارتاسى ارقىلى؛

- ۇيالى تەلەفوننىڭ SMS ارقىلى؛

- موبيلدى قوسىمشا ارقىلى (شەتەلدىك قوناقتارعا ىڭعايلى بولۋ ءۇشىن ينتەرفەيستى اعىلشىن تىلىندە ەنگىزۋ پىسىقتالۋدا).

بۇدان باسقا، جول ءجۇرۋ اقىسىن ەلەمەۋ فاكتىلەرىن قىسقارتۋ ماقساتىندا جولاۋشىلاردىڭ قامتىلۋىن تەكسەرۋ، سونداي-اق جۇرگىزۋشى قۇرامى تاراپىنان بۇزۋشىلىقتاردى تىركەۋ ءۇشىن ءبىرىڭعاي باقىلاۋ قىزمەتىن قۇرۋ تۋرالى ماسەلە قارالادى.

سونداي-اق 3-تامىزدان باستاپ جول ءجۇرۋ بيلەتتەرىنىڭ كەلەسى قۇنى بەلگىلەنەدى:

o ايلىق جول ءجۇرۋ بيلەتى - 9900 تەڭگە؛
o ستۋدەنتتىك ايلىق جول ءجۇرۋ بيلەتى - 4200 تەڭگە؛
o مەكتەپ ايلىق جول ءجۇرۋ بيلەتى - 2000 تەڭگە؛
o زەينەتاقى ايلىق جول ءجۇرۋ بيلەتى - 3000 تەڭگە.

ەستەرىڭىزگە سالا كەتەيىك، ازاماتتاردىڭ كەلەسى ساناتتارىنا تەگىن جول ءجۇرۋ ۇسىنىلادى: سوعىس ارداگەرلەرى، 75 جاستان اسقان زەينەتكەرلەر، 1-شى، 2-توپتاعى مۇگەدەكتەر، 18 جاسقا دەيىنگى مۇگەدەك بالالار، ساياسي قۋعىن-سۇرگىن قۇرباندارى جانە باسقا مەملەكەتتەردىڭ اۋماعىنداعى اسكەري قيمىلداردىڭ ارداگەرلەرى.

سونداي-اق، ازاماتتاردىڭ 4 ساناتى ءۇشىن تاريفتىڭ P ى تۇرىندەگى جەڭىلدىك ساقتالادى: ستۋدەنتتەر، جاسىنا بايلانىستى زەينەتكەرلەر، كوپ بالالى انالار، مۇگەدەك بالالارمەن بىرگە جۇرەتىن ادامدار.

جالپى، الماتى قالاسىنىڭ موبيلدىلىك باسقارماسى رەتتەۋشىلىك مودەلدىڭ جانە جاڭا تاريفتىك ۇسىنىستىڭ جوباسىن ازىرلەپ جاتىر. ونىڭ اياسىندا قالا تۇرعىندارى مەن قوناقتارىنا قوعامدىق كولىك قىزمەتتەرىن پايدالانۋدىڭ ىڭعايلىلىعى ءۇشىن، ونىڭ ىشىندە تەگىن اۋىسىپ وتىرۋ مۇمكىندىگىمەن ءتۇرلى جول ءجۇرۋ ابونەمەنتتەرى ۇسىنىلاتىن بولادى.

ايتا كەتۋ كەرەك، الماتى اكىمدىگى اعىمداعى جىلى قوسىمشا 600 اۆتوبۋس، 112 تروللەيبۋس جانە 100 ەلەكتروبۋس ساتىپ الۋدى جوسپارلاپ وتىر. سونىمەن قاتار، جەكە تاسىمالداۋشىلار 400 گە جۋىق جاڭا اۆتوبۋس پەن 15 ەلەكتروبۋس ساتىپ الۋدى جوسپارلاپ وتىر. قابىلدانعان شارالار 2024 -جىلى ەكولوگيالىق تازا كولىكتىڭ ۇلەسىن p عا دەيىن ارتتىرۋعا مۇمكىندىك بەرەدى، بۇل رەتتە اۆتوبۋستاردىڭ ورتاشا جاسى 3 جىل.

اۆتور
الما مۇقانوۆا