الماتىدا 200 دەن استام ادام كوروناۆيرۋس جۇقتىرعان

الماتى. KAZINFORM - الماتى قالاسىندا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتى.

الماتى قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە، جىل باسىنان 18 اقپانعا دەيىن قالا تۇرعىندارى اراسىندا ك ۆ ي-دىڭ زەرتحانالىق راستالعان 233 جاعدايى انىقتالدى. ونىڭ ىشىندە 14 جاسقا دەيىنگى بالالار اراسىندا - 30 جاعداي، جاس وسپىرىمدەر اراسىندا - 6 جاعداي، ەرەسەكتەر اراسىندا - 197 جاعداي تىركەلدى.

تىركەلگەن 233 جاعدايدىڭ ىشىنەن: وزدىگىنەن قارالعاندار - 202 جاعداي (86,7 پايىز)؛ پروفيلاكتيكالىق ماقساتتا - 18 (7,7 پايىز)؛ ەپيد كورسەتكىشتەر بويىنشا - 13 جاعداي (5,6 پايىز).

سونداي-اق جىل باسىنان بەرى ك ۆ ي جۇقتىرعان ادامداردىڭ جاس قۇرامى بويىنشا:

- 1 جاسقا دەيىنگى بالالار - 21 جاعداي تىركەلگەن، ۇلەس سالماعى - 9,0 پايىز؛

- 14 جاسقا دەيىن - 30 جاعداي، ۇلەس سالماعى - 12,9 پايىز؛

- 15-19 جاس ارالىعىنداعى جاس وسپىرىمدەر مەن جاس وسپىرىمدەر اراسىندا - 10 جاعداي تىركەلدى، ۇلەس سالماعى - 4,3 پايىز؛

- 20-39 جاستاعى ازاماتتار - 83 جاعداي، 35,6 پايىز؛

- 40-59 جاستاعى ازاماتتار - 37 جاعداي، 15,9 پايىز؛

- 60 جاس جانە ودان جوعارى - 73 جاعداي، 31,3 پايىز.

جىل باسىنان بەرى 18 اقپانعا دەيىن ك ۆ ي مەن اۋىرعانداردىڭ ىشىندە كاسىبى بويىنشا جۇقتارعاندار: 27,9 پايىز - جۇمىسسىزدار، 15,0 پايىز - ءارتۇرلى ج ش س - دە جۇمىس ىستەيتىندەر، 11,6 پايىز - مەكتەپ جاسىنا دەيىنگى بالالار، 27,5 پايىز - زەينەتكەرلەر، 3,9 پايىز - ستۋدەنتتەر.

قالالىق سانيتاريالىق- ەپيدەميولوگيالىق باقىلاۋ دەپارتامەنتى كوروناۆيرۋس ينفەكسياسىنىڭ الدىن الۋ شارالارىن ەسكە سالدى.

«كوروناۆيرۋس ينفەكسياسىنان قورعانۋدىڭ جالعىز جولى ۆاكسيناتسيا ەكەنىن ەستە ۇستاعان ءجون. ك ۆ ي-دى جۇقتىرۋدىڭ الدىن الۋ ءۇشىن قورعانىس ماسكالارىن قولدانۋ، ادامدار كوپ جينالاتىن جەرگە بارۋدان جانە تەمپەراتۋراسى جوعارى ناۋقاستارمەن بايلانىستا بولۋدان باس تارتۋ ۇسىنىلادى. اۋرۋدىڭ الدىن الۋ ءۇشىن ءۇي-جايلاردى ۇنەمى جەلدەتىپ وتىرۋ، دىمقىل تازالاۋ، سونداي-اق جەكە گيگيەنا ەرەجەلەرىن ساقتاۋ كەرەك (قولدى ءجيى جۋۋ، انتيسەپتيكتەردى قولدانۋ جانە ت. ب.). ەگەر رەسپيراتورلىق اۋرۋلاردىڭ بەلگىلەرى پايدا بولسا، ماسكا كيىپ، دەرەۋ مەديتسينالىق كومەككە جۇگىنۋ كەرەك»، - دەپ ەسكەرتتى ۆەدومستۆودان.

 

اۆتور

دۋمان ارعىنگەلدى