الماتىدا 13 جەزوكشەلەر ءۇيى انىقتالدى
الماتىدا جەزوكشەلەر ءۇيىن انىقتاۋ ماقساتىندا قالالىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى رەيد وتكىزدى، دەپ حابارلايدى Kazinform.
پوليتسيانىڭ مالىمەتىنشە، وتكەن دەمالىس كۇندەرى الماتىدا بودي- ماسساج سالوندارى تۇرىندە قىزمەت كورسەتكەن 13 جەزوكشەلەر ءۇيى انىقتالدى. وندا 51 جەڭىل ءجۇرىستى قىز ينتيمدىك قىزمەت كورسەتكەن، ونىڭ 14 ءى وزبەكستان جانە قىرعىزستان ازاماتتارى ەكەندىگى انىقتالدى. ولار پوليتسيا دەپارتامەنتىنىڭ قابىلداپ- تاراتۋ ورنىنا اكەلىندى.
"جالپى، ينتيمدىك قىزمەت كورسەتكەن ايەلدەرگە قاتىستى ق ر ا ق ب ك- ءنىڭ 449 بابى جانە ق ر ا ق ب ك- ءنىڭ 492 بابى بويىنشا 67 حاتتاما تولتىرىلدى. ال عيمارات يەلەرىنە جەزوكشەلىكپەن اينالىسۋعا ءۇي- جاي بەرگەنى ءۇشىن ق ر ا ق ب ك- ءنىڭ 450-بابى بويىنشا 13 اكىمشىلىك ءىس قوزعالدى"، - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتى.