الماتىدا 10 جاسار بالانى ليفتىدە ۇرعان ەر ادام ۇستالدى
10:52, 24 - شىلدە 2024
الماتى. KAZINFORM - الەۋمەتتىك جەلىدە بەلگىسىز ەر ادامنىڭ كىشكەنتاي بالالارعا ليفت ىشىندە كۇش كورسەتكەن بەينەجازباسى تارادى.
بەينەروليكتە وقيعا 23 -شىلدە كۇنى ساعات 16:36-تە بولعانى جازىلعان. اتالعان جاعدايعا الماتى قالاسىنىڭ پوليتسيا دەپارتامەنتى تۇسىنىكتەمە بەردى.
- بۇل دەرەك بويىنشا تەرگەۋ امالدارى جۇرگىزىلۋدە. ەر ادام انىقتالىپ، پوليتسياعا جەتكىزىلدى. ونىڭ ارەكەتىنە قۇقىقتىق باعا بەرىلەتىن بولادى. باسقا دا ءمان-جايلارى انىقتالۋدا، - دەپ حابارلايدى دەپارتامەنتتەن.
ەسكە سالايىق، بۇعان دەيىن الماتىدا تۇرعىن ءۇيدىڭ كىرەبەرىسىندە تۋىسقانىن ولتىرگەن ايەل ۇستالعان ەدى.