الماتىدا 1-سىنىپقا باراتىن بالالاردىڭ 90 پايىزى - قازاق ءتىلدى - دوسايەۆ

الماتى. KAZINFORM - الماتى قالاسىنىڭ اكىمى ەربولات دوسايەۆ مەدەۋ اۋدانىنىڭ تۇرعىندارىمەن كەزدەستى. سۇراق-جاۋاپ سەسسياسى بارىسىندا تۇرعىنداردىڭ ءبىرى مەگاپوليس پروبلەمالارى جۇيەلى تۇردە شەشىلىپ جاتقانىن ايتىپ، العىسىن ءبىلدىردى.

- ءبىز دە ماسەلەنى تەز شەشكىمىز كەلەدى. ءبىراق تەز ىستەلگەن جۇمىس ساپالى بولا بەرمەيدى. بىزگە اقشا ءبولۋ ءۇشىن قۇجاتتار قاجەت. ياعني جوبالاۋ- سمەتالىق قۇجاتتامانى، ساراپتاما ناتيجەسىن الۋ سەكىلدى قادامداردان وتەمىز. قولداۋىڭىزعا العىس ايتامىن. سەنىمدەرىڭىزدى اقتاۋعا تىرىسامىز، - دەدى ەربولات دوسايەۆ.

ەسكە سالايىق، بۇعان دەيىن ەربولات دوسايەۆ مەملەكەتتىك ساتىپ الۋ تۋرالى پىكىر ءبىلدىرىپ، ءجيى سىناتىن ارزان جابدىق قاجەت ەمەس ەكەنىن ايتقان ەدى. 

سونداي-اق الماتى اكىمىنىڭ ايتۋىنشا، 1-سىنىپقا باراتىن بالالاردىڭ 90 پايىزى - قازاق ءتىلدى.

اۆتور
دوسبول اتاجان