الماتىدا 1 ميلليون قارىزى بار ازامات ءوزىن- ءوزى ايىپتۇراقتا ورتەدى
الماتى. KAZINFORM - الماتىدا 1 ميلليون تەڭگەدەن استام قارىزى بار ازامات ءوز ءوزىن ورتەدى. قالالىق پوليتسيا ەكيپاجى ونىڭ ءومىرىن ساقتاپ قالدى.
الماتى قالاسى پوليتسيا دەپارتامەنتى مالىمەتىنە سايكەس، بۇل وقيعا 1 -قازان كۇنى الماتى قالاسى تۇركسىب اۋدانىنداعى ايىپپۇل تۇراعى اۋماعىندا بولعان. 33 جاستاعى ەر ادام الدىمەن كولىگىن، سوسىن ءوزىن ورتەپ جىبەرگەن.
«ساعات 13:10-دا مامانداندىرىلعان پاترۋلدىك پوليتسيا باتالونىنىڭ ەكيپاجى «سۋبارۋ» كولىگىن توقتاتتى. ونىڭ يەسىندە 1 ميلليون 300 مىڭ تەڭگە كولەمىندە تولەنبەگەن ايىپپۇلى بار. تەكسەرۋ كەزىندە جۇرگىزۋشىنىڭ مىندەتتى ساقتاندىرۋ پوليسى بولماعان. بەلگىلەنگەن ەرەجەلەرگە سايكەس، كولىك قۇرالى مامانداندىرىلعان ايىپپۇل تۇراعىنا قويىلدى. ءبىراز ۋاقىتتان كەيىن جۇرگىزۋشى وندا قايتىپ كەلىپ، كولىك پەن وزىنە بەنزين شاشىپ، جاعىپ جىبەردى. پوليتسيا قىزمەتكەرلەرى ەر ادامدى قۇتقارىپ الدى. جۇرگىزۋشى شۇعىل تۇردە اۋرۋحاناعا جەتكىزىلدى. كولىكتى سوندىرۋگە پوليتسيا قىزمەتكەرلەرى مەن وقيعانىڭ كۋاگەرلەرى قاتىستى»، - دەدى الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى سەرىك شۋمايەۆ.
ەسكە سالايىق، بۇعان دەيىن الماتى پوليتسياسى كۇشەيتىلگەن رەجيمگە كوشكەنىن جازعانبىز.
اۆتور
دوسبول اتاجان