الماتىدا 1-شىلدەدەن باستاپ قوعامدىق كولىكتە قىزمەت كورسەتۋدىڭ جاڭا ءتاسىلى ەنگىزىلەدى

الماتى. KAZINFORM - بيىل 1-شىلدەدەن باستاپ مەگاپوليستىڭ قوعامدىق كولىكتەرىندە قىزمەت كورسەتۋدىڭ جاڭا ءتاسىلى ەنگىزىلەدى.

بۇل تۋرالى الماتى قالاسىنىڭ اكىمى ەربولات دوسايەۆ ايتتى.

ناۋرىزباي اۋدانىنىڭ تۇرعىنى حالىقپەن كەزدەسۋگە كەلگەن شاھار باسشىسىنا قوعامدىق كولىكتەرگە قاتىستى ۇسىنىس ايتتى.

«اۆتوبۋستار مەن تروللەيبۋستاردىڭ ىشىندە وتىرعان ەرەكشە قاجەتتىلىگى بار ادامدارعا، قارتتارعا، جۇكتى ايەلدەرگە جانە بالالارى بار جولاۋشىلارعا ورىن بەرۋگە شاقىراتىن دىبىستى ەسكەرتۋلەر قوسۋ كەرەك دەپ ويلايمىن»، - دەدى ول.

ەربولات دوسايەۆ وسى ماسەلەگە قاتىستى جوسپار بار ەكەنىن جەتكىزدى.

«1-شىلدەگە دەيىن قوعامدىق كولىكتەردىڭ قىزمەت كورسەتۋىنە جاڭا تاسىلدەر ەنگىزۋدى جوسپارلاپ وتىرمىز. قاجەتتى وزگەرىستەر مەن تولىقتىرۋلار بولادى»، - دەدى قالا باسشىسى.

 

اۆتور

الما مۇقانوۆا