الماتىعا قاي ەلدەردەن تۋريستەر ءجيى كەلەدى

الماتى. KAZINFORM - الماتى قازاقستانعا كەلگەن ءاربىر ەكىنشى شەتەلدىك تۋريستى قىزىقتىرادى. بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا قالالىق تۋريزم باسقارماسىنىڭ باسشىسى عاليا توقسەيىتوۆا مالىمدەدى.

ۇلتتىق ستاتيستيكا بيۋروسىنىڭ مالىمەتىنشە، 2023 -جىلدىڭ 9 ايىندا تۋريستەردىڭ جالپى سانى 1,5 ميلليون ادامنان اسقان (ءوسىم - ,5).

ونىڭ ىشىندە شەتەلدىك تۋريستەر سانى Q,5 ارتىپ، 410 مىڭ ادامعا جەتتى.

وسىلايشا مەگاپوليس شەتەلدىك تۋريستەردى قابىلدايتىن قازاقستان قالالارى اراسىندا كوشباسشى بولدى.

«تۋريستەر اعىنىنىڭ ارتۋى ەسەبىنەن تۋريزم سالاسىنداعى نەگىزگى كورسەتكىشتەردىڭ ايتارلىقتاي وسىمىنە قول جەتكىزدىك. مىسالى، سالىق ءتۇسىمى d ۇلعايىپ، 50,2 ميلليارد تەڭگە بولدى. جۇمىسپەن قامتىلعاندار سانى  نەمەسە 78551 ادامعا ارتتى. ينۆەستيسيا G,7 نەمەسە 106,4 ميلليارد تەڭگەگە ءوستى»، - دەدى عاليا توقسەيىتوۆا.

بىلتىر رەسەي، قىتاي، ءۇندىستان، تۇركيا جانە ا ق ش-تان كەلگەن تۋريستەر سانى 256 مىڭنان اسقان.

«الماتىعا كەلگەن تۋريستەردىڭ جالپى سانىنىڭ ` ى 4 جانە 5 جۇلدىزدى قوناق ۇيلەردە (246256 ادام) تۇرادى. بۇل شەتەلدىك تۋريستەردىڭ ءال-اۋقاتىنىڭ جوعارى ەكەنىن كورسەتەدى»، - دەدى ول.

سونىمەن قاتار ول شەتەلدىك ساحاتشىلار نەگىزىنەن گيدتەر مەن تۋروپەراتورلاردىڭ قىزمەتتەرىن پايدالاناتىنىن جەتكىزدى.

«مەگاپوليستە ولار مەدەۋ، شىمبۇلاق، كوكتوبە، كافەدرالدىق سوبور، ورتالىق مەملەكەتتىك مۇراجاي، ورتالىق مەشىت، 28 گۆاردياشى- پانفيلوۆشى ساياباعى، كوكبازار، اربات، ورتالىق دەمالىس جانە مادەنيەت ساياباعى، تۇڭعىش پرەزيدەنت ساياباعى، بوتانيكالىق باق، باۋم توعايى، حايۋاناتتار باعى سياقتى جەرلەردى كورگىسى كەلەدى»، - دەپ اتاپ ءوتتى باسقارما باسشىسى.

 

اۆتور
الما مۇقانوۆا