الماتىعا كۇن سايىن كىرەتىن كولىكتەر سانى 700 مىڭعا جەتتى، دەپ حابارلايدى Kazinform. پوليتسيا دەپارتامەنتىنىڭ مالىمەتىنشە، 10 نەگىزگى ماگيسترال بويىنشا الماتى اۋماعىنا جۇمىس كۇندەرى ورتا ەسەپپەن 400 مىڭنان استام اۆتوموبيل كىرەدى. ال، وبلىستان قالاعا كىرەتىن قوسىمشا 17 جولمەن 300 مىڭنان استام كولىك كەلەدى.
وسىلايشا، مەگاپوليس كوشەلەرىمەن كۇن سايىن 700 مىڭنان استام ماشينا جۇرەدى. بۇل شامامەن قالا حالقىنىڭ ۇشتەن ءبىرى - 2,147 ميلليون ادام.
«الماتىعا جۇمىس كۇندەرى كەلەتىن جەكە كولىكتىڭ سانىن بۇكىل ەلدىڭ اۆتوپاركىمەن سالىستىرۋعا بولادى. لاتۆيادا حالىق سانى 1,8 ميلليون ادام. اتالعان ەلدە 730 مىڭ اۆتوكولىك تىركەلگەن.
سالىستىرمالى تۇردە ايتقاندا، وبلىستان الماتىعا ۇنەمى بۇكىل لاتۆيا «كىرەدى»، - دەپ حابارلادى الماتى اكىمدىگىنەن.
بۇل دەرەكتەر «سەرگەك» اپپاراتتىق-باعدارلامالىق كەشەنى ارقىلى الماتى قالاسىنىڭ اۋماعىندا جۇرەتىن اۆتوكولىكتى تالداۋ نەگىزىندە الىندى.
اۆتور
الما مۇقانوۆا
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан