الماتى زووباعى ەكزوتيكالىق جانۋارمەن تولىقتى

الماتى. KAZINFORM - الماتى زووباعى وزدەرىنىڭ الەۋمەتتىك جەلى پاراقشالارى ارقىلى ەكزوتيكالىق جانۋارلاردى كورسەتىپ، تانىستىردى.

«بۇل - سالپىەرىن، شوپقورەكتى جانۋارلاردىڭ تۇقىمى، تاقتۇياقتىلار وتريادىنا جاتادى، سىرت كەلبەتى جاعىنان شوشقاعا ۇقسايدى. ءبىراق ولارلىڭ شوشقادان ايىرماشىلىعى - قىسقا تۇمسىققا يە، بۇل ولارعا ەكزوتيكالىق سىرتقى كەلبەت بەرەدى. ءبىزدىڭ الماتى حايۋاناتتار باعىمىزدا وسى ەرەكشە جانۋارلارمەن تانىسساڭىزدار بولادى»، - دەلىنگەن حابارلامادا.

سالپىەرىندەر وزىنە كوڭىل اۋدارعاندى جاقسى كورەدى.

وسىعان دەيىن الماتى حايۋاناتتار باعىندا جازعى ماۋسىم اشىلعانى تۋرالى جازعان ەدىك.

زووباقتا بارلىعى 370 كە جۋىق جانۋاردىڭ ءتۇرى بار. ولار جىرتقىش سۇتقورەكتىلەر، تۇياقتىلار، پريماتتار، جىرتقىش قۇستار، ەكزوتيكالىق قۇستار، ەكزوتاريۋم جانە اكۆاريۋم بولىمدەرىنە بولىنگەن.