«الماتى-وسكەمەن» اۆتوجولىندا اسكەري تەحنيكا جول اپاتىنا ۇشىرادى
18:07, 15 - قاڭتار 2025
قونايەۆ. KAZINFORM - الماتى وبلىسىندا اسكەري تەحنيكا جەڭىل كولىكپەن سوقتىعىستى.
«قازاۆتوجول» مالىمەتىنشە، 15-قاڭتار كۇنى، ساعات 13:40 شاماسىندا «الماتى-وسكەمەن» اۆتوجولىنىڭ 56 شاقىرىمىندا، ياعني زارەچنىي اۋىلى ماڭىندا «جەفاڭ» اۆتوكولىگىنىڭ ترالىنان ەكى بىرلىك اسكەري تەحنيكا ءتۇسىپ كەتكەن.
وقيعا كولىك وتپەجولدان ءوتىپ كەلە جاتقاندا بولعان. ناتيجەسىندە تەحنيكا جولدا اۋدارىلىپ، «Ssang Yong Actyon» اۆتوكولىگىمەن سوقتىعىستى. رەسمي مالىمەتكە سايكەس، زارداپ شەككەندەر مەن قازا تاپقاندار جوق.
ەسكە سالايىق، بۇعان دەيىن «الماتى- وسكەمەن» اۆتوجولىندا ءىرى جول اپاتى بولعانىن جازعانبىز.
اۆتور
دوسبول اتاجان