الماتى پوليتسەيلەرى قىزمەتتىك كولىكتە ايەلدى بوساندىرىپ الدى
الماتى. KAZINFORM - الماتىنىڭ پاترۋلدىك پوليتسيا قىزمەتكەرلەرى ايەلگە قىزمەتتىك كولىكتە بوسانۋعا كومەكتەستى.
قالالىق پوليتسيا دەپارتامەنتىنىڭ مالىمەتىنشە، كەزەكشىلىك بارىسىندا دانيار ساعىنبايەۆ پەن بەكجان الكەن وتىرعان پاترۋلدىك ەكيپاجعا ايەل كومەك سۇراپ جۇگىنگەن. ءتارتىپ ساقشىلارى جەدەل جاردەم كولىگىن كۇتپەي جۇكتى ايەلدى قىزمەتتىك كولىككە وتىرعىزىپ، جاقىن ماڭداعى پەرزەنتحاناعا قاراي بەت العان. الايدا جولدا تولعاق كۇشەيىپ، ولار مەديتسينالىق مەكەمەگە جەتىپ ۇلگەرمەگەن.
- جاعدايدى باعالاعان پوليتسەيلەر ءوز بەتىمەن ارەكەت ەتۋ تۋرالى شەشىم قابىلدادى. ناتيجەسىندە پاترۋلدىك كولىكتىڭ ىشىندە ۇل بالا دۇنيەگە كەلدى. وسىدان كەيىن انا مەن جاڭا تۋعان نارەستە كەلگەن دارىگەرلەرگە تاپسىرىلدى، - دەپ حابارلادى دەپارتامەنتتەن.
الماتى پوليتسياسى بۇگىنگى كۇنى انا مەن بالانىڭ جاعدايى جاقسى ەكەنىن اتاپ ءوتتى.
ەسكە سالايىق، بۇعان دەيىن الماتىدا كوشەنىڭ قاق ورتاسىندا كولىگىن كەرى جۇرگىزگەن جۇرگىزۋشى جازالانعانىن جازعانبىز.