الماتى پوليسياسى اۋەجاي جولاۋشىلارىنا ەسكەرتۋ جاسادى

الماتى. KAZINFORM - بۇگىن الماتى حالىقارالىق اۋەجايىنىڭ اۋماعىندا ساعات 09:00 دەن 17:00 گە دەيىن جوسپارلى انتيتەررورلىق وقۋ- جاتتىعۋ وتەدى.

الماتى قالاسى پوليتسيا دەپارتامەنتىنىڭ مالىمەتىنشە، شارا كەزىندە اۋە جانە اۆتوكولىكتەردىڭ قوزعالىسىنا شەكتەۋلەر جوق. وقۋ-جاتتىعۋ تاپسىرمالارى ادامدار كوپ جينالاتىن جەرلەردە لاڭكەستىك ارەكەتتەردىڭ الدىن الۋ مەحانيزمىن جەتىلدىرۋگە باعىتتالعان.

- قاۋىپسىزدىك شارالارىن ساقتاۋىڭىزدى جانە مەملەكەتتىك قىزمەتكەرلەردىڭ زاڭدى تالاپتارىن ورىنداۋىڭىزدى سۇرايمىز. سونداي-اق رەسمي اقپارات كوزدەرىن قاداعالاپ، جالعان اقپارات تاراتپاۋ كەرەك، - دەپ حابارلادى دەپارتامەنتتەن.

سونىمەن قاتار قالالىق پوليسيا ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىسۋشى تۇلعانىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەپ سوعاتىنىن ەسكە سالدى.

ەسكە سالايىق، بيىل 7-ناۋرىز كۇنى الماتى اۋەجايىندا ەر ادام اۋەجاي قىزمەتكەرىن كەپىلگە الدى.