الماتى وبلىسىنىڭ تۇرعىنى مەملەكەتتىك قىزمەتكەرگە ءتىل تيگىزگەنى ءۇشىن جازالاندى

  قونايەۆ. KAZINFORM - الماتى وبلىسى قاراساي اۋداندىق سوتى مەملەكەتتىك قىزمەتكەرگە ءتىل تيگىزگەن تۇرعىنعا 172500 تەڭگە ايىپپۇل سالدى.

سوتتىڭ حابارلاۋىنشا، 2023 -جىلى 23-قاراشا كۇنى ساعات 16:50 دە م. جابىرلەنۋشى گ- نىڭ قىزمەتتىك تەلەفونىنا «WhatsApp» جەلىسى ارقىلى دىبىستىق حابارلاما جىبەرگەن. وندا ونى بالاعاتتاپ، ابىرويى مەن قادىر-قاسيەتىنە ءسوز كەلتىرىپ، ادەپسىز تۇردە كەمسىتكەن.

ايىپتالۋشى م. -نىڭ كىناسى ءىس بويىنشا جيناقتالعان دالەلدەمەلەرمەن، سونىڭ ىشىندە ماتىندىك جانە دىبىستىق حابارلامالاردىڭ سكرينشوتتارى ارقىلى كەلتىرىلگەن جابىرلەنۋشىنىڭ ايعاقتارىمەن دالەلدەندى. سونداي- اق ونىڭ جاس بالالارى بار ەكەنى ەسكەرىلىپ، اتالعان ازاماتتىڭ قىلمىستىق جاۋاپتىلىعى مەن جازاسى جەڭىلدەتىلدى.

سوت ق ك- ءنىڭ 131-بابىنىڭ 2-بولىگىمەن ايىپتالۋشى م- نى كىنالى دەپ تانىپ، وعان وسى باپ بويىنشا جازا رەتىندە 50 ا ە ك، ياعني، 172500 تەڭگە ايىپپۇل تاعايىندادى.

ۇكىم زاڭدى كۇشىنە ەندى.