الماتى وبلىسىنىڭ جول پوليتسياسى جاساندى ينتەللەكتىنى پايدالانا باستادى
قونايەۆ. KAZINFORM - الماتى وبلىسىنىڭ پوليتسەيلەرى جول قاۋىپسىزدىگىن قامتاماسىز ەتۋ جانە جولدارداعى اپاتتىلىقتى ازايتۋ ماقساتىندا يننوۆاتسيالىق تەحنولوگيالاردى ەنگىزىپ جاتىر.
اتاپ ايتقاندا، جاساندى ينتەللەكتپەن جابدىقتالعان «Sergek Patrol» موبيلدى اپپاراتتىق-باعدارلامالىق كەشەنى بار پاترۋلدىك اۆتوموبيلدەر پايدالانۋعا بەرىلدى.
- بۇگىندە ءموبيلدى ا ب ك ەكى اۆتوموبيلدە ورناتىلعان، ولاردى 10 پاترۋلدىك ماشينادا پايدالانۋ جوسپارلانعان. «Sergek Patrol» جىلدامدىقتى ارتتىرۋ، جول بەلگىلەرىن ساقتاماۋ جانە تۇراققا دۇرىس تۇرماۋ سياقتى زاڭبۇزۋشىلىقتاردى اۆتوماتتى تۇردە ءتۇسىرۋ ءۇشىن جەتىلدىرىلگەن كامەرالار جانە رادارلارمەن جابدىقتالعان. جۇيەنى ەنگىزۋ جول باقىلاۋىنىڭ تيىمدىلىگىن ارتتىرۋعا، جۇرگىزۋ مادەنيەتىن قالىپتاستىرۋعا، سونداي-اق وبلىس جولدارىنداعى اپاتتى ازايتۋعا باعىتتالعان، - دەدى وبلىستىق دەپارتامەنت باستىعىنىڭ ورىنباسارى ەلجان چۋپەكوۆ.
ەسكە سالايىق، بۇعان دەيىن الماتى وبلىسىندا جول اپاتىنان 48 جاستاعى ايەل قايتىس بولعانىن جازعان ەدىك.
سونداي-اق، بىرەر كۇن بۇرىن الماتى وبلىسىندا كولىك اعاشقا سوعىلىپ، ءبىر ادام مەرت بولدى.