الماتى وبلىسىنىڭ اكىمدىگى تالعاردا ءۇيى ورتەنگەن وتباسىعا كومەكتەسەدى

قونايەۆ. KAZINFORM - الماتى وبلىسىنىڭ اكىمدىگى بۇگىن تۇندە ءۇيى ورتەنگەن مارقۇم شەرزات بولاتتىڭ وتباسىنا كومەك بەرىلەتىنىن حابارلادى.

اكىمدىك مالىمەتىنە سايكەس، ولارعا جوندەۋ جۇمىستارى اياقتالعانشا ۋاقىتشا باسپانا جانە ورتەنگەن ءۇيدى جوندەۋگە كومەك بەرىلەدى.

- الماتى وبلىسىنىڭ اكىمدىگى باسپاناسىن ءورت شالعان ش. بولاتتىڭ وتباسىنا تۇرعىن ءۇيدى قالپىنا كەلتىرۋگە كومەكتەسەتىن بولدى. سونىمەن قاتار، ولارعا جوندەۋ جۇمىستارى اياقتالعانشا ۋاقىتشا باسپانا بەرىلەدى، - دەپ حابارلادى اكىمدىكتەن.

ەسكە سالايىق، 4-قازان كۇنى تالعار قالاسىنداعى توبەلەستەن جاسوسپىرىم قايتىس بولعانىن جازعانبىز.

بۇگىن تۇنگى ۋاقىتتا جانجالدان قايتىس بولعان 16 جاسار شەرزاتتىڭ ءۇيى ورتەنىپ، پوليتسيا ونىڭ وتباسىن قورعاۋعا الدى.

ق ر باس پروكۋراتۋراسى بۇل جاعدايعا بايلانىستى مالىمدەمە جاسادى.

اۆتور

دوسبول اتاجان