الەۋمەتتىك جەلىدە قونايەۆتا وقۋشى بالانىڭ قاتارلاستارىنان تاياق جەپ، جان ساقتاۋ بولىمىنە تۇسكەنى تۋرالى مالىمەت تارادى.
الايدا الماتى وبلىسىنىڭ ءبىلىم باسقارماسى بۇل مالىمەتتى راستاعان جوق. باسقارما اقپاراتىنا سايكەس، 31 - قاڭتار كۇنى كامەلەتكە تولماعان ا. ەسىمدى وقۋشى قونايەۆ قالاسى كوپسالالى اۋرۋحاناسىنىڭ جان ساقتاۋ بولىمىنە «حيميالىق انتيسەپتيكپەن ۇلانۋ» دياگنوزىمەن تۇسكەن.
- قونايەۆ قالاسىنىڭ پوليتسيا باسقارماسىندا ءىس تىركەلىپ، بۇگىنگى كۇنى تەرگەۋ امالدارى جۇرگىزىلىپ جاتىر. قازىرگى كەزدە جاسءوسپىرىم تولىق ەسىن جيىپ، اۋرۋحانادا ەم قابىلداۋدا، جاعدايى قالىپتى، - دەپ حابارلادى ءبىلىم باسقارماسىنان.
ال ءوڭىردىڭ پوليسيا دەپارتامەنتى ق ر ق ك 105- بابى بويىنشا ءىس قوزعالعانىن مالىمدەدى.
- پوليسيادا ءوزىن- ءوزى ولتىرۋگە دەيىن جەتكىزۋ دەرەگى بويىنشا قىلمىستىق ءىس قوزعالعانىن حابارلايمىز. قازىرگى ۋاقىتتا بولعان وقيعانىڭ بارلىق ءمان- جايىن تولىق جانە جان- جاقتى زەرتتەۋ ءۇشىن بارلىق قاجەتتى تەرگەۋ ارەكەتتەرى جۇرگىزىلىپ جاتىر. اتالعان جۇمىستاردىڭ ناتيجەسى بويىنشا تۇپكىلىكتى پروتسەستىك شەشىم قابىلداناتىن بولادى. وزگە اقپارات تەرگەۋ مۇددەسىنە وراي جاريا ەتىلمەيدى، - دەپ حابارلادى پوليسيادان.