الماتى وبلىسىندا تاۋىپ العان قارۋلاردى زاڭسىز ساقتاعان ازامات جازالاندى

قوناەۆ. KAZINFORM - الماتى وبلىسى رايىمبەك اۋداندىق سوتىندا اتىس قارۋلاردى، وق- دارىلەردى زاڭسىز يەمدەندى، ساقتادى، تاسىمالدادى دەگەن ايىپپەن (ق ك- ءنىڭ 287-بابى 3-بولىگى بويىنشا) كۇدىكتىگە قاتىستى قىلمىستىق ءىس قارالدى.

الماتى وبلىستىق سوتىنىڭ مالىمەتىنە سايكەس، 2024 -جىلدىڭ 5-شىلدەسىندە ايىپتالۋشى اتقا وتىرىپ الماتى وبلىسى رايىمبەك اۋدانى، جامبىل اۋىلدىق وكرۋگىنە قاراستى «اققول» جايلاۋىندا مال جايىپ جۇرگەن كەزىندە، ءىننىڭ اۋزىنان شىعىپ تۇرعان اق ءتۇستى قاپتى كورگەن.

قاپتىڭ ىشىندە ەشبىر قۇجاتسىز «ۆەپر-308» جانە «توز-8» ماركالى قارۋلارىن، 308 win كاليبرلى جانە 5,6 كاليبرلى قارۋلاردىڭ وق-دارىلەرىن تاۋىپ العان.

- سوتتالۋشى قاپتى ىشىندەگى زاتتارىمەن ءوز اتىنا جۇكتەپ، وزىمەن بىرگە قاراتوعان اۋىلىنا اپارىپ، ءوز تۇرعىن ۇيىندە زاڭسىز ساقتاعان. سوتتالۋشىنىڭ كىناسى ءىس- ماتەريالدارمەن: كۋالاردىڭ ايعاقتارىمەن جانە سوتتا راستالعان باسقا دا دالەلدەمەلەرمەن تولىق دالەلدەنگەن. سوت سوتتالۋشىنىڭ وزىنە تاعىلعان ءىس- ارەكەتتەردى جاساعانى ءۇشىن كىنالى دەپ تانىپ، وعان 2 جىل مەرزىمگە باس بوستاندىعىن شەكتەۋ جازاسىن تاعايىندادى، - دەپ حابارلادى سوت ۇكىم زاڭدى كۇشىنە ەنبەدى.