الماتى وبلىسىندا رەزەرۆاتتاعى ءورت ءالى سونگەن جوق

قونايەۆ. KAZINFORM - الماتى وبلىسى بالقاش اۋدانىنداعى قامىس پەن ءشوپ ءورتىن ءسوندىرۋ جۇمىسى جالعاسىپ جاتىر. 

توتەنشە جاعدايلار مينيسترلىگىنىڭ مالىمەتىنشە، ەلدى مەكەندەرگە قاۋىپ جوق.

«سۋ اعىزۋ قۇرىلعىسى بار قازاۆياقۇتقارۋ تىكۇشاعىمەن ءورت وشاقتارىنا اۋەدەن 65 رەت جالپى كولەمى 195 توننا سۋ توگىلدى. اۆياتسيالىق تەحنيكانى پايدالانۋ جانە جەتۋى قيىن جەرلەرگە ورمان شارۋاشىلىعىنىڭ قىزمەتكەرلەرى مەن ءورت سوندىرۋشىلەردى جەتكىزۋ سياقتى قابىلدانعان شارالاردىڭ ارقاسىندا جەكەلەگەن ءورت وشاقتارى ءسوندىرىلىپ، جاقىن ماڭداعى شارۋا قوجالىعى امان قالدى» دەلىنەدى ت ج م حابارلاماسىندا.

شىمتەزەك، جەتۋى قيىن، باتپاقتى جەرلەر جانە ۇنەمى وزگەرىپ وتىراتىن قاتتى جەل ءورت وشاقتارىن ءسوندىرۋ جۇمىسىن قيىنداتقان.

الماتى وبلىسى ت ج د باستىعى اسقار تويشىبەكوۆ وقيعا ورنىندا.

جالىندى اۋىزدىقتاۋعا ت ج د، اتقارۋشى ورگانداردىڭ كۇش-قۇرالدارى، جەرگىلىكتى تۇرعىندار جۇمىلدىرىلىپ، سونداي-اق ۇشقىشسىز ۇشۋ اپپاراتى قولدانىلىپ جاتىر.

ەسكە سالساق، الماتى وبلىسىنىڭ بالقاش اۋدانىنىڭ ىلە- بالقاش مەملەكەتتىك تابيعي رەزەرۆاتى اۋماعىندا قۇرعاق ءشوپ پەن قامىس ورتەنىپ جاتقانىن حابارلاعانبىز.

اۆتور
دۋمان ارعىنگەلدى