الماتى وبلىسىندا كۇيەۋىن جۇك كولىگىنىڭ استىنا يتەرىپ جىبەرگەن ايەل سوتتالدى

قونايەۆ. KAZINFORM - الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ادامدى قاساقانا قازاعا ۇشىراتۋ فاكتىسى بويىنشا ايىپتالعان ايەلگە قاتىستى ۇكىم شىعاردى.

سوتپەن انىقتالعانىنداي، وتكەن جىلدىڭ قازان ايىندا الماتى وبلىسى قاراساي اۋدانى الماتى- بىشكەك اۆتوجولىنىڭ بويىندا سوتتالۋشى ك. مەن ونىڭ ازاماتتىق نەكەدەگى كۇيەۋى م. اراسىندا جانجال شىقتى. ايىپتالۋشى ەر ادامدى ءجۇرىپ بارا جاتقان جۇك كولىگىنىڭ دوڭگەلەكتەرىنىڭ استىنا يتەرىپ جىبەرگەن. سوتتالۋشى ماس بولعان.

ال، جابىرلەنۋشى م. العان جاراقاتتارىنان سول جەردە قايتىس بولدى.

سوتتالۋشىنىڭ كىناسى تولىعىمەن دالەلدەنگەن جانە قىلمىستىق ءىس ماتەريالدارىمەن راستالعان. اتاپ ايتقاندا، سوتتالۋشىنىڭ ايعاقتارىمەن، كۋالاردىڭ جاۋاپتارىمەن جانە سوتتا زەرتتەلگەن باسقا دا دالەلدەمەلەرمەن.

«سوت ۇكىمىمەن سوتتالۋشى ك. قىلمىستىق كودەكستىڭ 99-بابى 1-بولىگى بويىنشا كىنالى دەپ تانىلىپ، ونى 10 جىل باس بوستاندىعىنان ايىرۋ جازاسى تاعايىندالدى»، - دەلىنگەن الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتى مالىمدەمەسىندە.

ۇكىم زاڭدى كۇشىنە ەنگەن جوق.

بۇعان دەيىن الماتى- بىشكەك تاسجولىندا ەر ادامدى جۇك كولىگى استىنا يتەرىپ جىبەرگەن 1963 -جىلى تۋعان ايەلدىڭ جەدەل ىزدەستىرۋ شارالارى بارىسىندا ۇستالعانى تۋرالى جازعان ەدىك.

اۆتور

الما مۇقانوۆا