سوت مالىمەتىنە سايكەس، بيىل 22-ناۋرىز كۇنى ساعات 16:20 دا ايىپتالۋشى تاۋقاراتۇرىق اۋىلىندا ءجۇرىپ، ۇلكەن الماتى كانالى تاسجولىندا كوكپار ويناعان. وسىلايشا، ول ازاماتتاردىڭ قوعامدىق ءتارتىبى مەن تىنىشتىعىن بۇزعان.
سوت وتىرىسىندا ە. كىناسىن مويىنداپ، قۇقىق بۇزۋشىلىق فاكتىسىن راستادى، قاتاڭ جازالاماۋدى سۇرادى.
- قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگىمەن ە. كىنالى دەپ تانىلىپ، وعان وسى باپ بويىنشا 20 اەك ايىپپۇل سالىندى، - دەپ حابارلادى ەڭبەكشى قازاق اۋدانىنىڭ № 2 اۋداندىق سوتىنىڭ باسپا ءسوز قىزمەتى.
قاۋلى زاڭدى كۇشىنە ەنگەن جوق.
ەسكە سالايىق، بىلتىر الماتى وبلىسىندا جول بويىندا كوكپار تارتقاندار جازالانعانىن جازعانبىز.