الماتى وبلىسىندا جول اپاتىنان ءبىر كولىكتە وتىرعان 3 ادام مەرت بولدى
قونايەۆ. KAZINFORM - الماتى وبلىسى جامبىل اۋدانىندا ءۇش ادامنىڭ ءومىرىن قيعان جول-كولىك وقيعاسى بولدى.
وبلىستىق پوليتسيا دەپارتامەنتىنىڭ مالىمەتىنشە، 4-اقپان كۇنى الماتى- بىشكەك تاس جولىنىڭ 102- شاقىرىمىندا جول- كولىك وقيعاسى بولدى. الدىن الا مالىمەتتەر بويىنشا، Chevrolet Cobalt جۇرگىزۋشىسى جولدىڭ قارسى باعىتىنا شىعىپ، Hyundai Elantra كولىگىمەن سوقتىعىسقان. اپات سالدارىنان ەكى جۇرگىزۋشى مەن Hyundai Elantra جولاۋشىسى وقيعا ورنىندا قازا تاپتى. Chevrolet Cobalt كولىگىنىڭ جولاۋشىسى ءتۇرلى جاراقاتتارمەن اۋرۋحاناعا جەتكىزىلدى.
- اتالعان فاكتى بويىنشا قىلمىستىق ءىس تىركەلىپ، تەرگەۋ جۇرگىزىلىپ جاتىر. پوليتسيا جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا، جىلدامدىق رەجيمىن بۇزباۋعا جانە جولدا اسا مۇقيات بولۋعا شاقىرادى، - دەپ حابارلادى پوليتسيادان.
ەسكە سالايىق، بۇعان دەيىن جامبىل وبلىسىندا جولدىڭ جابىلعان بولىگىندە بىرنەشە كولىك تۇرىپ قالعانىن جازعانبىز.