الماتى وبلىسىندا جول اپاتىنان 3 ادام مەرت بولدى

قونايەۆ. KAZINFORM - الماتى وبلىسىندا قاراما- قارسى كەلە جاتقان ەكى جەڭىل كولىك سوقتىعىسىپ، سالدارىنان 3 ادام قازا بولدى.

پوليسيا مالىمەتىنە سايكەس، Zeekr 001 جۇرگىزۋشىسى تالعار- ەسىك اۆتوجولىنىڭ 36 شاقىرىمىندا كەلە جاتىپ، قارسى قوزعالىس جولاعىنا شىعىپ، Daewoo Matiz اۆتوكولىگىمەن سوقتىعىسقان.

- اپات سالدارىنان Daewoo Matiz اۆتوكولىگىنىڭ ەكى جولاۋشىسى وقيعا ورنىندا كوز جۇمدى. جۇرگىزۋشى اۋداندىق اۋرۋحانانىڭ جانساقتاۋ بولىمىندە ەسىن جيماي جان تاپسىردى. جول اپاتى فاكتىسى بويىنشا پوليتسيا قىلمىستىق ءىس قوزعادى. Zeekr 001 جۇرگىزۋشىسى قاماۋعا الىندى. تەرگەۋ جۇرگىزىلىپ جاتىر، - دەپ حابارلادى وبلىستىق پ د باسپا ءسوز قىزمەتى.

ەسكە سالايىق، بۇعان دەيىن الماتىدا 10 كولىك سوقتىعىسقانىن جازعانبىز.