16:12, 04 جەلتوقسان 2023

الماتى وبلىسىندا ءۇش سۋديا پارا الدى دەگەن كۇدىككە ءىلىندى

كىسى ولتىرۋدەن حابارلاماۋعا دەيىنگى ارەكەتتەردى قايتا سارالاۋ ماسەلەسىن شەشۋ سىلتاۋىمەن ءىرى مولشەردە الاياقتىق جولمەن اقشا الدى دەپ كۇدىككە ىلىنگەن الماتى وبلىسى قونايەۆ قالاسى سوتىنىڭ ءتوراعاسىنا قاتىستى قىلمىستىق ءىس تەرگەلىپ جاتىر، دەپ حابارلايدى Kazinform.

Фото: видеодан алынған кадр

باسقا جاعدايدا، الماتى وبلىسى تالعار اۋداندىق سوتىنىڭ سۋدياسى ايتارلىقتاي مولشەردە پارا الدى دەپ ايىپتالىپ وتىر.

ول سوت ورىنداۋشىسى ارقىلى كامەلەتكە تولماعانداردىڭ جىنىستىق تيىسپەۋشىلىگىنە قارسى اسا اۋىر قىلمىس جاساعان ادامعا مەديتسينالىق سيپاتتاعى ماجبۇرلەۋ شارالارىنىڭ ءتۇرىن وزگەرتۋ تۋرالى وڭ شەشىم شىعارعانى ءۇشىن اقشالاي سىياقى العان.

سونداي- اق، الماتى وبلىسى مامانداندىرىلعان اۋدانارالىق ەكونوميكالىق سوتىنىڭ سۋدياسىنا قاتىستى قىلمىستىق ءىس قارالىپ جاتىر.

ول كاسىپكەردەن ميللياردتاعان سالىق بەرەشەگى بار ەكى كومپانيانى بانكروت دەپ تانۋ تۋرالى زاڭسىز شەشىم شىعارعانى ءۇشىن پارا الدى دەپ ايىپتالۋدا.

قىلمىستىق- پروتسەستىك كودەكسىنىڭ 201-بابىنا سايكەس وزگە اقپارات جاريالانبايدى.

زاڭ جانە قۇقىق قوعام
Ризабек Нүсіпбекұлы
«Қазақ тілі мен әдебиеті» мамандығының магистрі. 2009 жылдан бері "ҚазАқпарат" Халықаралық ақпарат агеніттігінде қызмет атқарады. "ҚазАқпарат" Халықаралық ақпарат агенттігін дамытуға қосқан үлесі үшін және еліміздің ақпарат саласына сіңірген еңбегі үшін «Күміс бітікші» медалінің иегері. Халықаралық, Республикалық жыр мүшәйраларының жүлдегері.