قونايەۆ. KAZINFORM - الماتى وبلىسىنىڭ ىلە اۋدانىنا قاراستى اقشي اۋىلىندا «اراقسىز اۋىل» جوباسى جۇزەگە اسا باستادى. بۇل تۋرالى الماتى وبلىسى پوليتسيا دەپارتامەنتىنىڭ باستىعى باۋىرجان الەنوۆ Instagram پاراقشاسىندا جازدى.
باۋىرجان الەنوۆتىڭ مالىمەتىنشە، يگى ءىستى اۋىلدىڭ ارداگەرلەر مەن انالار كەڭەسى مۇشەلەرى جانە پوليتسيا باسقارماسى بىرلەسىپ قولعا العان. اۋىلدىڭ كاسىپكەرلەرى دە قارسى بولماعان.
«ەلىمىز بويىنشا جاسالعان قىلمىستىڭ ۇشتەن ءبىرى اشى سۋ سالدارىنان بولعان. اقشي اۋىلىندا 7 مىڭعا جۋىق حالىق تۇرادى، 16 دۇكەن تولىقتاي اراق ساتۋدان باس تارتتى. بۇل باستاما اۋىل بويىنشا قوعامدىق ءتارتىپتىڭ ساقتالۋىنا وڭ اسەرىن تيگيزەتىنە سەنىمدىمىن. الماتى وبلىسى تۇرعىندارىن «اراقسىز اۋىل» جوباسىن قولداۋعا شاقىرامىن»، - دەپ جازدى باۋىرجان الەنوۆ.
ەسكە سالساق، قازاقستاندا الكوگولدىك ىشىمدىكتەن باس تارتقان اۋىلدار تۋرالى جازعانبىز.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан