الماتى وبلىسىندا ءبىلىم بەرۋ ۇيىمى باسشىلارى 134 ميلليون تەڭگەدەن اسا بيۋدجەت قاراجاتىن جىمقىرعان
قونايەۆ. KAZINFORM - الماتى وبلىسى بويىنشا سىبايلاس جەمقورلىققا قارسى قىزمەت ىلە اۋدانىنىڭ 7 جەكەمەنشىك مەكتەپكە دەيىنگى ءبىلىم بەرۋ ۇيىمدارىنىڭ باسشىلارىنا قاتىستى الاياقتىق فاكتىسى بويىنشا سوتقا دەيىنگى تەرگەۋدى اياقتادى.
ۆەدومستۆونىڭ مالىمەتىنشە، ولار 2023 -جىلدىڭ قاڭتار-مامىر ايلارى ارالىعىندا مەملەكەتتىك ءبىلىم بەرۋ تاپسىرىسى اياسىندا جالعان ورىندالعان جۇمىستار اكتىلەرىن بەرۋ ارقىلى جالپى سوماسى 134 ميلليون تەڭگەدەن اسا ءىرى كولەمدە بيۋدجەت قاراجاتىن جىمقىردى دەپ ايىپتالدى.
«سوتقا دەيىنگى تەرگەۋمەن اتالعان مەكتەپكە دەيىنگى ۇيىمداردىڭ ءىس جۇزىندە تەك قۇجاتتار بويىنشا بار ەكەنى انىقتالدى. قىلمىستىق ءىس ماتەريالدارى وبلىستىق پروكۋراتۋرامەن سوتقا جولداندى»، - دەلىنەدى حابارلامادا.
سونداي-اق، جەكە وندىرىسپەن «ق ر د س م س ە ب ك الماتى وبلىسىنىڭ س ە ب د ىلە اۋداندىق سانيتاريالىق- ەپيدەميولوگيالىق باقىلاۋ باسقارماسى» ر م م 4 لاۋازىمدى تۇلعاسىنا قاتىستى سوتقا دەيىنگى تەرگەۋ اياقتالدى.
«جوعارىدا اتالعان مەكەمەنىڭ ماماندارى ءىس جۇزىندە جۇمىس ىستەمەيتىن بالاباقشالاردىڭ باسشىلارىنا مەملەكەتتىك ءبىلىم بەرۋ تاپسىرىسىن الۋعا نەگىز بولعان جالعان قورىتىندىلار بەردى. قازىرگى ۋاقىتتا ايىپتالۋشىلار سوتقا تارتىلدى»، - دەپ حابارلادى ۆەدومستۆودان.
اۆتور
دۋمان ارعىنگەلدى