الماتى وبلىسىندا ايىپتالۋشى سوت زالىنان قاشىپ كەتتى

قاسكەلەڭ. KAZINFORM - ادام زورلادى دەگەن كۇدىكپەن ۇستالعان ايىپتالۋشى قاسكەلەڭ قالاسىنداعى اۋداندىق سوت زالىنان قاشىپ كەتتى.

جەلىدە الماتى وبلىسىنداعى اۆتوجولداردا پوليتسيا قىزمەتكەرلەرىنىڭ تەكسەرىس جۇرگىزىپ جاتقان بەينەجازبالارى تارادى.

الماتى وبلىسىنىڭ پوليتسياسى بۇل دەرەكتى راستادى. كۇدىكتىنى ۇستاۋ ءۇشىن ىزدەستىرۋ جۇمىستارى جۇرگىزىلىپ جاتىر.

- قاماۋعا الىنعان كۇدىكتىنىڭ قاشىپ كەتۋ فاكتىسى بويىنشا قىلمىستىق ءىس قوزعالدى. قاشقىندى ۇستاۋ بويىنشا ءىس-شارالار كەشەنى قابىلداندى. سونىمەن قاتار بولعان وقيعانىڭ بارلىق ءمان-جايىن انىقتاۋ ماقساتىندا قىزمەتتىك تەكسەرۋ تاعايىندالدى. ازاماتتاردان سابىرلىق ساقتاۋدى جانە ىزدەۋدە جۇرگەن ادامنىڭ ورنالاسقان جەرى تۋرالى اقپارات بولعان جاعدايدا 102 تەلەفونى بويىنشا دەرەۋ حابارلاۋدى سۇرايمىز، - دەپ حابارلادى وبلىستىق پوليتسيا دەپارتامەنتى.

ەسكە سالايىق، بىلتىر وسىعان ۇقساس جاعداي بولعان. الماتى وبلىسىندا زورلاۋ ءىسى بويىنشا ايىپتالعان ەر ادام قاماۋدان قاشىپ كەتكەنىن جازعانبىز.

كەيىن كۇدىكتى ك. تەرەڭقارا اۋىلىنىڭ شەتىندە ۇستالدى.