الماتى وبلىسىندا اينەكتەن اسپالى كوپىر سالىنادى
قونايەۆ. KAZINFORM - الماتى وبلىسىنداعى قارا شاتقالعا ۇزىندىعى 170 مەترلىك اينەك كوپىر سالىنادى.
1, 5 ميلليارد تەڭگەنى قۇرايتىن جوبا 2025 - 2026 -جىلدارى جۇزەگە اسادى دەپ كۇتىلىپ وتىر.
«ASK Capital» جاۋاپكەرشىلىگى شەكتەۋلى سەرىكتەستىگى قارا شاتقال تۋريستىك ايماعىنا اسپالى كوپىر سالۋدى جوسپارلاۋدا. جوبانىڭ قۇنى - 1,5 ميلليارد تەڭگە. 50 جاڭا جۇمىس ورنى قۇرىلادى. جوبانى ىسكە اسىرۋ كەزەڭى - 2025 - 2026 -جىلدارى»، - دەپ حابارلادى وبلىس اكىمدىگىنەن.
بۇدان بولەك، تۋريستىك ايماقتى دامىتۋ ءۇشىن قارا شاتقالعا ەلەكتر جەلىسىن جۇرگىزۋگە 87,0 ميلليون تەڭگە ءبولىندى. قازىرگى كەزدە «قارا شاتقال» ج ش س-گى 400,0 ميلليون تەڭگە ينۆەستيتسيا تارتىلدى.
وسى جىلدىڭ 9 ايىندا كولساي مەن قايىڭدىعا 400 مىڭعا جۋىق تۋريست ات باسىن بۇرعان. ولاردىڭ باسىم بولىگى قارا شاتقالدى تاماشالاۋعا كەلگەن.