الماتى وبلىسىندا پاراپلانمەن ۇشقان ايەل شاتقالعا قۇلاپ كەتتى

الماتى. KAZINFORM - ت ج م قۇتقارۋشىلارى پاراپلانمەن قۇلاپ كەتكەن قىزدى ەۆاكۋاتسيالادى. بۇل تۋرالى ۆەدومستۆونىڭ باسپا ءسوز قىزمەتى ءمالىم ەتتى.

- الماتى وبلىسىنىڭ قاراساي اۋدانىندا قاسكەلەڭ شاتقالىندا 1985 -جىلى تۋعان ايەل پاراپلانمەن ۇشىپ بارا جاتىپ قۇلاپ كەتكەن. ت ج م ر ج ق ج قۇتقارۋشىلارى وقيعا ورنىنا جەتىپ، زارداپ شەگۋشىنى 500 مەتر قاشىقتىقتا كۇتىپ تۇرعان جەدەل مەديتسينالىق جاردەم كولىگىنە جەتكىزدى، - دەلىنگەن حابارلامادا.

ەسكە سالا كەتەيىك، قۇتقارۋشىلار الماتىدا تاۋ بوكتەرىندەگى ءورتتى سوندىرگەن بولاتىن.

ال 25-شىلدەدە جوسپارلى ۇشىپ ءوتۋ كەزىندە جوعالعان اۋە قورعانىسى كۇشتەرىنىڭ EC-145 تىكۇشاعىندا بولعان ادامداردىڭ ورنىن انىقتاۋ ماقساتىندا سوربۇلاق سۋ قويماسى اۋدانىندا اۋقىمدى ىزدەستىرۋ-قۇتقارۋ وپەراتسياسى تاۋلىك بويى جانە كۇشەيتىلگەن رەجيمدە جۇرگىزىلىپ جاتقانىن جازعان ەدىك.