الماتى وبلىسىندا 40 شاقتى تۋريست مىنگەن اۆتوبۋس اپاتقا ۇشىرادى

قونايەۆ. KAZINFORM - الماتى وبلىسىندا تۋريستەر مىنگەن اۆتوبۋس جول اپاتىنا ۇشىرادى. زارداپ شەككەندەر بار.

الماتى وبلىسى اكىمدىگىنىڭ مالىمەتىنشە، جول اپاتى بۇگىن، 27-مامىر ساعات 10:20-دا كەگەن جانە ەڭبەكشىقازاق اۋدانىنىڭ شەكارالاس اۋماعىندا بولعان.

«الدىن الا اقپارات بويىنشا، اۆتوبۋس قازاۆتوجول جەلىسىنە جاتاتىن الاسا اسۋىنداعى كۇردەلى جول بۇرىلىسىندا جولدان شىعىپ كەتكەن. وقيعا ورنىنا دەرەۋ كەگەن اۋدانىنان ەكى جەدەل جاردەم بريگاداسى شىقتى. اۆتوبۋستا 37 تۋريست بولعان. كەگەن اۋداندىق اۋرۋحاناسىنا 5 ادام، جالاعاش اۋداندىق اۋرۋحاناسىنا 4 ادام، شەلەك اۋىلىنا 4 ادام جەتكىزىلدى»، - دەپ حابارلادى اكىمدىكتەن.

قازا تاپقان ەشكىم جوق.

«جول اپاتىنىڭ سەبەبى ازىرگە بەلگىسىز، تەرگەۋ ءجۇرىپ جاتىر. زارداپ شەككەندەردىڭ جاعدايى تۇراقتى، تۋريستەر دارىگەرلەردىڭ باقىلاۋىندا»، - دەپ اتاپ ءوتتى اكىمدىكتەن.

اۆتور
الما مۇقانوۆا