الماتى وبلىسىندا 17 لاۋازىمدى تۇلعا تارتىپتىك جاۋاپقا تارتىلدى
استانا. KAZINFORM - الماتى وبلىسىنىڭ جەرگىلىكتى اتقارۋشى ورگاندارىنىڭ 17 لاۋازىمدى تۇلعاسى مەملەكەتتىك اۋديت قورىتىندىسى بويىنشا تارتىپتىك جاۋاپكەرشىلىككە تارتىلدى.
جوعارى اۋديتورلىق پالاتا بيىل مامىردا وڭىردەگى تەكسەرۋ ءىس-شارالارىن اياقتادى. اۋديت بارىسىندا ق ر- نىڭ بيۋدجەت جانە وزگە دە زاڭنامالارى بويىنشا ءبىرقاتار بۇزۋشىلىقتار انىقتالدى.
جوعارى اۋديتورلىق پالاتانىڭ نۇسقاماسىن ورىنداۋ شەڭبەرىندە وبلىستىڭ اتقارۋشى ورگاندارىنىڭ 17 لاۋازىمدى تۇلعاسى بۇزۋشىلىقتارعا جول بەرگەنى ءۇشىن تارتىپتىك جاۋاپكەرشىلىككە تارتىلدى. ءوڭىردىڭ باسقارمالارىنىڭ ءبىرىنىڭ باسشىسىنا قاتىستى قازىرگى ۋاقىتتا قىزمەتتىك تەكسەرۋ جۇرگىزىلۋدە.
سونىمەن قاتار وبلىساكىمى مەملەكەتتىك اۋديت كەزىندە انىقتالعان بۇزۋشىلىقتاردى جويۋ جونىندەگى ءىس-شارالار جوسپارىن بەكىتتى. بۇگىنگى تاڭدا ونى ىسكە اسىرۋ جالعاسۋدا.
ايتا كەتەيىك، «قازمۇنايگاز» ۇلتتىق كومپانياسى ق ر جوعارى اۋديتورلىق پالاتاسىنىڭ نۇسقاماسى شەڭبەرىندە ءوز اكتيۆتەرىن وتكىزۋ شارتتارىنىڭ ورىندالۋىنا باقىلاۋدى كۇشەيتكەنىن حابارلاعان ەدىك.
اۆتور
ەربول جانات