الماتى وبلىسى وبلىسى اكىمدىگىنىڭ ەكى باسقارما باسشىسى جازالاندى
قونايەۆ. KAZINFORM - الماتى وبلىسى اكىمدىگىنە قاراستى ەكى باسقارمانىڭ باسشىسى كاسىپكەرلىك قىزمەتكە زاڭسىز ارالاسقانى ءۇشىن اكىمشىلىك جاۋاپتىلىققا تارتىلدى.
پروكۋراتۋرادان ءمالىم ەتكەندەي، الماتى وبلىسىنىڭ اكىمدىگى 15 ميلليارد تەڭگەگە جولدى كۇردەلى جوندەۋ بويىنشا كونكۋرستا جەڭىمپازدىڭ بولۋىنا قاراماستان، ساتىپ الۋدان زاڭسىز باس تارتىپ، جاڭا جەڭىمپازدى انىقتاۋ ءۇشىن كونكۋرس جاريالاعان.
«بۇل كاسىپكەردىڭ قۇقىقتارىنا نۇقسان كەلتىردى. قاداعالاۋ اكتىسىمەن كونكۋرس توقتاتىلدى جانە اكىمدىككە كونكۋرس جەڭىمپازىمەن شارت جاساسۋ ۇسىنىلدى. وسىنداي شەشىمدى سوت كاسىپكەردىڭ تالابى بويىنشا قابىلدادى»، - دەپ اتاپ ءوتتى ۆەدومستۆودان.
الايدا اكىمدىك سوت شەشىمى مەن پروكۋراتۋرانىڭ قاداعالاۋ شارالارىنا قاراماستان كونكۋرس جاريالاعان.
«كاسىپكەرلىك قىزمەتكە زاڭسىز ارالاسقانى جانە پروكۋروردىڭ ۇسىنۋى بويىنشا شارالار قولدانباعانى ءۇشىن وبلىس اكىمدىگىنىڭ ەكى باسقارما باسشىسى ق ر ا ق ب ت ك- ءنىڭ 173 جانە 664-باپتارى بويىنشا اكىمشىلىك جاۋاپكەرشىلىككە تارتىلدى»، - دەپ حابارلادى الماتى وبلىستىق پروكۋراتۋراسىنان.
اۆتور
الما مۇقانوۆا