الماتى وبلىسى اكىمىنىڭ ورىنباسارى جول اپاتىنا ۇشىرادى

قونايەۆ. KAZINFORM - الماتى اكىمىنىڭ ورىنباسارى اسەت ماسابايەۆ جول-كولىك وقيعاسىنا ۇشىرادى.

الماتى وبلىسى پوليتسيا دەپارتامەنتى توڭكەرىس-بايسەركە اۆتوجولىندا بولعان جول اپاتىنا بايلانىستى قىلمىستىق ءىس تىركەلىپ، تەرگەۋ جۇرگىزىلىپ جاتقانىن حابارلادى.

- وڭىرلىك پوليتسيا جول قوزعالىسىنا قاتىسۋشىلاردى جول ءجۇرۋ ەرەجەلەرىن قاتاڭ ساقتاۋعا، اسىرەسە قالادان تىس جولداردا جانە تاۋلىكتىڭ قاراڭعى ۋاقىتىندا اسا مۇقيات بولۋعا شاقىرادى، - دەپ مالىمدەدى پوليتسيادان.

الماتى وبلىسىنىڭ دەنساۋلىق ساقتاۋ باسقارماسى اسەت ماسابايەۆتىڭ جول اپاتىندا زارداپ شەككەنىن راستادى. ۆەدومستۆو مالىمەتىنشە، قازىر ناۋقاستىڭ جاعدايى تۇراقتى، ول ەسىن بىلەدى.

- مەديتسينالىق كومەك بەلگىلەنگەن حاتتاماعا سايكەس كورسەتىلىپ جاتىر، - دەپ حابارلادى باسقارمادان.

ەسكە سالايىق، بۇعان دەيىن الماتى وبلىسى اكىمىنىڭ جاڭا ورىنباسارى تاعايىندالدى.