الماتى تۇرعىنى 67 ميلليون تەڭگەنىڭ كريپتوۆاليۋتاسىن الاياققا بەرىپ جىبەرگەن
19:11, 04 - قىركۇيەك 2024
الماتى. KAZINFORM - الاياقتىق جولمەن كريپتوۆاليۋتانى قالتاسىنا باسقان الماتى قالاسىنىڭ تۇرعىنى سوتتالدى.
بوستاندىق اۋدانىنىڭ اۋماعىندا تاراپتار اراسىندا كريپتوۆاليۋتا الىپ ساتۋ بويىنشا مامىلە جاسالعان.
ح. ەسىمدى ازامات جابىرلەنۋشىنى الداپ، كريپتو ءاميانىنىڭ جالعان شوتىن حابارلاعان.
ناتيجەسىندە ول جابىرلەنۋشىنىڭ 67 ميلليون تەڭگەسىن يەمدەنىپ كەتكەن.
مەملەكەتتىك ايىپتاۋشىنىڭ ۇستانىمىن ەسكەرە وتىرىپ، سوت سوتتالۋشىنى 6 جىل 8 ايعا باس بوستاندىعىنان ايىردى.
سونىمەن قاتار سوتقا دەيىنگى تەرگەۋ بارىسىندا جابىرلەنۋشىگە 19,5 ميلليون تەڭگە كولەمىندە قاراجات قايتارىلدى.
ۇكىم زاڭدى كۇشىنە ەندى.
قالا پروكۋراتۋراسى ازاماتتاردى ەلەكتروندى اقشا اۋدارىمى كەزىندە قىراعى بولۋعا شاقىرادى.