الماتى. قازاقپارات - 2026-جىلعى 17-اقپاندا ساعات 15:09 دا تىركەلگەن جەر سىلكىنىسىنەن كەيىن الماتىلىقتار ۇيالى تەلەفونىنا توتەنشە ەسكەرتۋ حابارلاماسىنىڭ كەلمەگەنىن ايتىپ، الاڭداۋشىلىق ءبىلدىردى. وسىعان بايلانىستى ق ر ت ج م رەسمي تۇسىنىك بەردى.
ۆەدومستۆو مالىمەتىنشە، «سەيسمولوگيالىق زەرتتەۋ ينستيتۋتى» ج ش س ستانتسيالارى تىركەگەن ءدۇمپۋ الماتىدا 2 بال بولىپ سەزىلگەن. ال اۆتوماتتى حابارلاۋ جۇيەسى تەك 5 بالدان جوعارى قاۋىپتى دەڭگەيدەگى جەر سىلكىنىستەرى كەزىندە قوسىلادى.
- ەسكەرتۋ 5 بالدان جوعارى بولعاندا ىسكە قوسىلادى، - دەپ حابارلادى مينيسترلىك.
جەر سىلكىنىسىنىڭ وشاعى الماتىدان شىعىسقا قاراي 74 شاقىرىم جەردە ورنالاسقان.
جەر استى ءدۇمپۋى الماتى وبلىسىنداعى تۇرگەن اۋىلى مەن ەسىك قالاسىندا 4 بالعا دەيىن سەزىلگەن، ال باسقا ەلدى مەكەندەردە 2-3 بال شاماسىندا تىركەلگەن.
زارداپ شەككەندەر مەن قيراعان عيماراتتار تۋرالى اقپارات جوق، دەرەكتەر وڭدەلىپ جاتىر.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.