الماتى تۇرعىندارى ءوتىنىش بەرىپ، تەگىن كوشەت الا الادى

الماتى. KAZINFORM - رەسپۋبليكالىق «تازا قازاقستان» باعدارلاماسى اياسىندا الماتى قالاسىندا قالا تۇرعىندارى اراسىندا ەكولوگيالىق جاعدايدى جاقسارتۋ جانە ەكولوگيالىق مادەنيەتتى ارتتىرۋ بويىنشا جۇمىستار جۇرگىزىلىپ جاتىر.

بۇگىن، 23-قىركۇيەكتەن باستاپ الماتى قالاسىنىڭ ەكولوگيا جانە قورشاعان ورتا باسقارماسى «جاسىل اۋلا» اكتسياسى اياسىندا وتىنىمدەردى قابىلداي باستادى. تۇرعىندار كوپپاتەرلى ۇيلەر مەن قوعامدىق كەڭىستىكتەردىڭ اۋلالارىن كوگالداندىرۋ ءۇشىن جاپىراقتى اعاشتاردىڭ كوشەتتەرىن تەگىن الا الادى. وتىنىمدەردى قابىلداۋ 4 -قازانعا دەيىن جالعاسادى، ال كوشەتتەردى تاراتۋ 2024 -جىلدىڭ 12-جانە 13-قازانىندا وتەدى. اكسيا تۋرالى قوسىمشا اقپارات الۋ ءۇشىن الماتى قالاسىنىڭ ەكولوگيا جانەقورشاعان ورتا باسقارماسىنىڭ جاسىل قوردى باقىلاۋ جانە باسقارۋ بولىمىنە 77711619850 تەلەفونى ارقىلى حابارلاسۋعا بولادى.

كوشەتتەر 2024 -جىلى 12-13-قازاندا الماتى قالاسى، اۋەزوۆ اۋدانى، يۋري كيم كوشەسى، 9- ءۇي (ج ش س «eco Almaty» ) مەكەنجايىندا تاراتىلادى. اكسياعا قاتىسقان تۇرعىندار كەيىن وتىرعىزىلعان كوشەتتەردىڭ فوتو ەسەبىن ۇسىنۋى قاجەت.

ەسكە سالايىق، بۇعان دەيىن الماتىدا «حالىق قاتىساتىن بيۋدجەت» باعدارلاماسىنا ءوتىنىش قابىلدانىپ جاتقانىن جازعانبىز.