الماتى تاۋلارىندا قوقىس جيناپ، تەگىن كوفە الۋعا بولادى

الماتى. KAZINFORM - الماتىنىڭ جاڭادان اشىلعان «بۇتاقتى» ۆيزيت-ورتالىعىندا قالا تۇرعىندارى مەن قوناقتارىنا ارنالعان ەكولوگيالىق باستاما ىسكە قوسىلدى.

قالالىق تۋريزم باسقارماسىنىڭ مالىمەتىنشە، ىلە-الاتاۋى ۇلتتىق پاركىنە كلۋشىلەر تاۋداعى قوقىستى جيناپ، ۆيزيت-ورتالىققا وتكىزە الادى. ونىڭ ورنىنا ولارعا تەگىن سۋسىن - كوفە نەمەسە شاي ۇسىنىلادى.

- اتالعان باستاما «تازا قازاقستان» رەسپۋبليكالىق اكسياسى اياسىندا جۇزەگە اسىرىلىپ جاتىر. جوبا تابيعاتتى تازا ۇستاۋعا شاقىرىپ قانا قويماي، ءاربىر ادامنىڭ جەكە جاۋاپكەرشىلىگىن ارتتىرۋعا باعىتتالعان. ۇيىمداستىرۋشىلار اتاپ وتكەندەي، تاۋدا دەمالۋ مادەنيەتى - ەڭ الدىمەن قورشاعان ورتاعا ۇقىپتى قاراۋدان باستالادى، - دەپ حابارلادى باسقارمادان.

ەسكە سالايىق، بۇعان دەيىن ىلە-الاتاۋى ۇلتتىق پاركىنىڭ اۋماعىندا، تۋريستەر ءجيى باراتىن باعىتتاردىڭ بىرىندە جاڭا «بۇتاقتى» ۆيزيت-ورتالىعى اشىلعان بولاتىن.