الماتى تاۋلارىندا جاساندى جولمەن قار كوشكىنى جۇرگىزىلدى

  الماتى تۋلارىنداعى №18 قار كوشكىنىن جيناۋ ۋچاسكەسىندە الدىن الۋ جۇمىسى جۇرگىزىلدى، دەپ حابارلايدى Kazinform.

الماتى قالالىق توتەنشە جاعدايلار دەپارتامەنتىنىڭ مالىمەتىنشە، تاۋداعى №18 قار كوشكىنىن جيناۋ ۋچاسكەسىندە (الماتى- كوسموستانتسيا) كوشكىنىڭ الدىن الۋ ءۇشىن 2600-2800 مەتر بيىكتە جارىلىس جۇمىستارى جۇرگىزىلدى.

جۇرگىزىلگەن جۇمىستاردىڭ ناتيجەسىندە 4000 كۋب مەتر قار ماسساسى ءتۇسىرىلدى.

«قار ماسساسىن تۇسىرۋگە الماتى قالالىق ت ج د، «قازسەلدەنقورعاۋ» ، اپاتتار مەديتسيناسى ورتالىعى، مەردىگەرلەر مەن «قازگيدرومەت» ماماندارى قاتىستى. الدىن الۋ جۇمىستارىن جۇرگىزۋ بارىسىندا ەشكىم زارداپ شەككەن جوق»، - دەپ حابارلادى دەپارتامەنتتەن.