تابيعي ورتادا كەزدەسپەيتىن قۇستى قالا تۇرعىندارى بايقاعان. قازاقستان بيوالۋانتۇرلىلىكتى ساقتاۋ قاۋىمداستىعىنىڭ عىلىم جونىندەگى ديرەكتورى، ورنيتولوگ سەرگەي سكليارەنكو ونىڭ قايدان پايدا بولعانىن ازىرگە ەشكىم بىلمەيتىنىن ايتتى.
بولجام بويىنشا ءۇي جاعدايىندا بولعان قۇس قاشىپ كەتىپ، ساياباقتاعى ۇيرەكتەرگە كەلىپ قوسىلعان. قازىر قاز شامامەن وتىز شاقتى بارقىلداق ۇيرەكپەن بىرگە ەمىن-ەركىن ءجۇر.
سەرگەي سكليارەنكو قولدا ۇستايتىن قۇستار مەن جابايى قۇستاردىڭ ءدال ءوستىپ بىرگە جۇرگەنى مامانداردىڭ دا قىزىعۋشىلىعىن تۋدىرعانىن اتاپ ءوتتى.
- ونىڭ ساياباقتا اياق استى پايدا بولعانى تابيعات سۇيەر قاۋىم مەن ورنيتولوگتاردى دا ەلەڭ ەتكىزگەن تىڭ جاڭالىق بولدى، - دەدى ول.
ەسكە سالايىق، بۇعان دەيىن شارىن ۇلتتىق ساياباعىندا سيرەك كەزدەسەتىن قۇستار ۆيدەوعا ءتۇسىپ قالدى.