الماتى سان ءتۇرلى تۇسكە بويالدى - فوتورەپورتاج
الماتى. KAZINFORM - الماتىدا اعاشتار بۇرشىك جارىپ، كوكتەمنىڭ حوش ءيىسى اڭقىدى. الماتىلىقتاردىڭ ادەمى كوڭىل كۇيى kazinform ءتىلشىسىنىڭ فوتورەپورتاجىندا.
الماتى - كوكتەمدە ەرەكشە اسەمدەنىپ، مىڭ تۇسكە بويالادى.
قازىر قالادا ەڭ الدىمەن ورىك، شيە اعاشتارى گۇلدەپ، قالانىڭ كوركىنە سۇلۋلىق قوسۋدا.
اينالا جاسىل تۇسكە بويالىپ، قالا ىشىندە حوش ءيىس اڭقيدى.
قالا تۇرعىندارى دا كوپ ۋاقىتىن دالادا وتكىزىپ، تازا اۋادا ءجيى سەرۋەندەپ ءجۇر.
بۇرىنعىلار بۇل اي تۋرالى «ءساۋىر ايى - قازاقتىڭ ءتاۋىر ايى» دەگەن.
ال اقيىق اقىن مۇقاعالي ماقاتايەۆ «ءساۋىر ايى شوپانعا سارىۋايىم، مالمەن بىرگە باعادى اۋا رايىن» دەپ جىرلادى.
سونداي-اق بۇل اي تۋرالى حالقىمىزدا «ناۋرىز - سۋىمەن، ءساۋىر - نۋىمەن، مامىر - گۇلىمەن»، «ءساۋىر بولماي، ءتاۋىر بولماس» دەگەن ماقال- ماتەل، قاناتتى سوزدەر بار.
جاسىل جەلەككە ورانعان ساياباقتاردىڭ سۇلۋلىعىن سوزبەن سۋرەتتەۋ مۇمكىن ەمەس. ونى تەك كوزبەن كورۋ كەرەك.
اسىرەسە، ەسەنتاي وزەنىنىڭ جاعالاۋىنداعى تاڭعاجايىپ كورىنىس ەشكىمدى دە بەيجاي قالدىرمايدى.
بۇعان دەيىن الماتىنىڭ بوتانيكالىق باعىندا بايشەشەك گۇلدەگەنى تۋرالى جازعانبىز.