«ۇرلانعان اۆتوكولىك نەمەسە كولىك بولشەكتەرى بويىنشا تىركەلگەن قىلمىستىق ىستەر اياسىندا ءتيىستى ورىندار تەكسەرىلدى. بۇل تۇرعىدا قوسالقى بولشەكتەر ساتىلاتىن جەرلەر مەن اۆتوكولىك بازارلارى تەكسەرىلەدى. سونداي- اق اۋماقتىق پوليتسيا دەپارتامەنتتەرىنىڭ قىزمەتكەرلەرى اۆتوكولىك بولشەكتەرىن ساتاتىن بازارلاردا جەدەل- پروفيلاكتيكالىق ءىس- شارالاردى تۇراقتى تۇردە جۇرگىزەدى»، - دەلىنگەن مينيسترلىكتىڭ «قازاقپارات» اگەنتتىگىنە بەرگەن جاۋابىندا.
ۆەدومستۆو اقپاراتىنا قاراعاندا، بيىل ەلىمىزدىڭ ءبىرقاتار وڭىرىندە شەتەلدەن اكەلىنەتىن كولىكتەردى قازاقستاندىق ەسەپكە زاڭسىز قويۋ فاكتىلەرىن انىقتاۋ بويىنشا جەدەل- ىزدەستىرۋ ءىس- شارالارى اتقارىلعان.
«الماتى قالاسىندا شەتەلدىك اۆتوموبيلدەردىڭ تىركەۋ قۇجاتتارىن بۇرمالاۋ جولىمەن (وڭتۇستىك كورەيادان اكەلىنەتىن: «ك-5»، «ك-7»، «حۋنداي پوليساد» جانە «تويوتا كامري-70» ) 2018 -جىلعى شىعارىلعان كولىكتەردى 2020 -جىلعا اۋىستىرۋ ارىلى وزگەرىستەر ەنگىزە وتىرىپ، بەلگىلەنگەن باستاپقى مەملەكەتتىك تىركەۋ ءۇشىن الىمنىڭ بەلگىلەنگەن سوماسىن تولەۋدەن جالتارىپ جۇرگەن توپ انىقتالدى»، - دەپ اتالىپ وتكەن ءى ءى م مالىمەتىندە.
قازىر الماتى قالاسى پوليتسيا دەپارتامەنتى وسى ءىس بويىنشا سوتقا دەيىنگى تەرگەۋدى باستادى.
اتاپ ايتقاندا، الماتى قالاسىندا جانە الماتى وبلىسىندا 200-دەن استام شەتەلدىك كولىكتى زاڭسىز تىركەۋ فاكتىلەرى انىقتالدى. بۇل رەتتە سوتقا دەيىنگى تەرگەۋ جالعاسىپ جاتىر.
اۆتور
رۋسلان عابباسوۆ