الماتى مەتروسىن سالۋ كەزىندەگى قارجى جىمقىرۋ: جاڭا تەرگەۋ باستالدى

الماتى. KAZINFORM - «مەتروپوليتەن» ك م ك قىزمەتكەرلەرىنە قاتىستى جاڭا سوتقا دەيىنگى تەرگەۋ باستالدى. بۇل تۋرالى باس كولىك پروكۋراتۋراسى مالىمدەدى.

قاداعالاۋ ورگانى كۆازيمەملەكەتتىك سەكتور كاسىپورىندارىنىڭ بيۋدجەت قاراجاتىن جۇمساۋ كەزىندەگى زاڭ بۇزۋشىلىقتاردى انىقتاۋدى جالعاستىرىپ جاتىر.

«تەكسەرىس قورىتىندىسى بويىنشا «مەتروپوليتەن» ك م ك قىزمەتكەرلەرى لوكوموتيۆتەرگە ارنالعان باستاپقى رەزەڭكە سەرىپپەلەردى 137 ميلليون تەڭگەگە كوتەرىلگەن باعامەن ساتىپ العان. مۇنى مەتروپوليتەننىڭ اۋديتورلىق ەسەبى دە راستادى، وسىعان بايلانىستى كولىك پروكۋراتۋراسى سوتقا دەيىنگى تەرگەپ- تەكسەرۋدى تىركەدى، ونى قازىرگى ۋاقىتتا الماتى قالاسى بويىنشا سىبايلاس جەمقورلىققا قارسى قىزمەت جۇرگىزىپ جاتىر»، - دەلىنگەن حابارلامادا.

باس كولىك پروكۋراتۋراسىنىڭ مالىمەتىنشە، قىلمىستىق پروتسەستىك كودەكستىڭ 201-بابىنا سايكەس، تەرگەۋ مۇددەسى ءۇشىن باسقا اقپارات تاراتۋعا جاتپايدى.

ايتا كەتەيىك، المالى اۋداندىق سوتىندا مەگاپوليستەگى «سارى ارقا» جانە «باۋىرجان مومىش ۇلى» جاڭا مەترو ستانسالارىنىڭ قۇرىلىسى كەزىندەگى 5 ميلليارد تەڭگەنىڭ ۇرلانۋىنا قاتىستى سوت پروتسەسى جالعاسىپ جاتىر.

اۆتور
الما مۇقانوۆا