الماتى ماڭىندا اۆتوبۋس كوپىردەن كولىكتىڭ ۇستىنە قۇلادى
قونايەۆ. KAZINFORM - الماتى- بىشكەك اۆتوجولىندا اۆتوبۋس كوپىردەن قۇلاپ ءتۇستى. وقيعانىڭ بەينەجازبالارى الەۋمەتتىك جەلىدە تارادى.
الماتى وبلىسىنىڭ پوليتسيا دەپارتامەنتى جول اپاتى فاكتىسى بويىنشا قىلمىستىق ءىس قوزعالعانىن حابارلادى.
- 12-قىركۇيەكتە الماتى- بىشكەك اۆتوجولىنىڭ 25-شاقىرىمىندا Yutong Bus اۆتوبۋسىنىڭ جۇرگىزۋشىسى، بۇرىلۋ مانەۆرىن جاساي وتىرىپ، رۋلدى باسقارا الماي قورشاۋعا سوعىلىپ، سودان كەيىن كوپىردەن Mercedes Benz Sprinter كولىگىنىڭ ارتقى جاعىنا قۇلاعانى انىقتالدى. اپات كەزىندە ەشكىم قۇربان بولعان جوق، - دەپ حابارلادى وبلىستىق پ د.
سونداي-اق پوليتسيا مالىمەتىنە سايكەس، جول-كولىك وقيعاسى سالدارىنان اۆتوبۋس جۇرگىزۋشىسى ءتۇرلى دەنە جاراقاتتارىمەن اۋرۋحاناعا جاتقىزىلعان. ال اۆتوكولىكتەر ارنايى اۆتوتۇراققا ورنالاستىرىلدى.
اۆتور
دوسبول اتاجان