الماتى جولدارىندا 400 دەن استام ماس جۇرگىزۋشى ۇستالدى
10:25, 05 - ماۋسىم 2025
الماتى. KAZINFORM - الماتى قالاسىنىڭ اۋماعىندا «قاۋىپسىز جول» جەدەل-پروفيلاكتيكالىق ءىس-شاراسى ءوتىپ جاتىر.
ءىس-شارا باستالعالى بەرى الماتىدا جول قاۋىپسىزدىگىنە بايلانىستى 52 مىڭنان استام اكىمشىلىك قۇقىقبۇزۋشىلىق انىقتالعان.
كەڭ تاراعان قۇقىقبۇزۋشىلىقتار قاتارىندا:
• مانەۆر جاساۋ ەرەجەلەرىن بۇزۋدىڭ 3 مىڭنان استام دەرەگى؛
• قاراما-قارسى باعىتقا شىعۋدىڭ 222 جاعدايى؛
• باعدارشامنىڭ تىيىم سالاتىن بەلگىسىنەن ءوتىپ كەتۋدىڭ 453 دەرەگى؛
• 439 جۇرگىزۋشى كولىكتى ماس كۇيدە باسقارعانى ءۇشىن ۇستالعان.
جالپى 2775 كولىك ايىپپۇل تۇراعىنا قويىلعان، ونىڭ 935 ى موپەد. الماتى قالاسىنىڭ جەرگىلىكتى پوليتسيا قىزمەتى ازاماتتاردى جول قوزعالىسى ەرەجەلەرىن قاتاڭ ساقتاۋعا شاقىردى.