«الماتى جاستارى» باعدارلاماسىمەن ءۇي الاتىن جاستار سانى كوبەيەدى

الماتى. KAZINFORM - الماتىدا قالالىق ءماسليحاتتىڭ كەزەكتى XXIV سەسسياسى ءوتتى. جيىن بارىسىندا الماتى قالاسىنىڭ 2024-2026 -جىلدارعا ارنالعان بيۋدجەتىنە وزگەرىستەر ەنگىزىلدى.

الماتى قالاسى قارجى باسقارماسىنىڭ باسشىسى قانات سۋحامبەكوۆا «الماتى جاستارى» تۇرعىن ءۇي باعدارلاماسىن قارجىلاندىرۋعا قوسىمشا 1,4 ميلليارد تەڭگە ءبولۋدى ۇسىندى.

- «الماتى جاستارى» تۇرعىن ءۇي باعدارلاماسىن قارجىلاندىرۋ جالعاستىرىلادى. ول ءۇشىن بيۋدجەتتەن قوسىمشا 1,4 ميلليارد تەڭگە بولىنەتىن بولادى. بۇل الەۋمەتتىك، قۇقىق قورعاۋ، كوممۋنالدىق جانە باسقا دا سالالاردا ەڭبەك ەتەتىن جاس ازاماتتار ءۇشىن قوسىمشا 80 يپوتەكالىق نەسيە الۋعا مۇمكىندىك بەرەدى، - دەدى ول.

سونداي-اق ونىڭ ايتۋىنشا، ىشكى ىستەر ورگاندارىنىڭ 2510 قىزمەتكەرىنىڭ تۇرعىن ءۇي جاعدايىن جاقسارتۋ ماقساتىندا جەرگىلىكتى بيۋدجەتتەن قوسىمشا 2,5 ميلليارد تەڭگە ءبولۋ جوسپارلانعان.

قالالىق ءماسليحات دەپۋتاتتارى الماتى قالاسىنىڭ 2024-2026 -جىلدارعا ارنالعان بيۋدجەتىنە وزگەرىستەر ەنگىزۋ تۋرالى ۇسىنىسىن قابىلدادى.

ەسكە سالايىق، بيىل «الماتى جاستارى» باعدارلاماسى اياسىندا 1200 ادامعا تۇرعىن ءۇي ساتىپ الۋعا كەمىندە زايەم بەرىلگەن بولاتىن.

اۆتور

دوسبول اتاجان