الماتى اۋەجايىنىڭ پرەزيدەنتى رەيستەردىڭ كەشىككەنى ءۇشىن جولاۋشىلاردان كەشىرىم سۇرادى

«وتكەن جۇمادا قالانى قار باسىپ قالدى. الماتى اۋەجايىنداعى قاردىڭ بيىكتىگى 40 س م جەتتى. مۇنداي قالىڭ قاردا اۋەجاي جۇمىسىن رەتتەۋ قيىن. بىزدە ەكى رەيس كەشىكتىرىلدى، ءبىراق سوعان قاراماستان ءبىز اۋەجاي اشىق بولدى. ءبىراق قاۋىپسىزدىك ەرەجەلەرى قاداعالاۋ ماقساتىندا كەشىگۋلەر بولدى. ءبىز جولاۋشىلاردىڭ ومىرىنە قاۋىپ توندىرە المايمىز»، - دەپ جاۋاپ بەردى ال ەر تۋنگا ەرسوي جۋرناليستەردىڭ ساۋالىنا.

ايتۋىنشا، بۇل جولاۋشىلارعا سىلتاۋ بولىپ كورىنۋى مۇمكىن.

«ءبىز بولاشاقتا كەشىگۋلەردىڭ الدىن الۋ ءۇشىن تاسىمالداۋشىلارمەن جۇمىس ىستەۋدى جوسپارلاپ وتىرمىز»، - دەدى الپ ەر تۋنگا ەرسوي.

سونداي- اق ول جولاۋشىلاردان تۋىنداعان قولايسىزدىقتار ءۇشىن كەشىرىم سۇرادى.

«ءبىز جولاۋشىلاردان ىڭعايسىزدىق تۋدىرعانىمىز ءۇشىن كەشىرىم سۇراعىمىز كەلەدى. مۇنداي جاعدايلار قايتالانباۋى ءۇشىن كۇش سالىپ جاتىرمىز. ارينە، بۇل فورس- ماجورلىق جاعدايلار. قالاي بولعاندا دا، وسىنداي نۇسقالاردى بولجايتىن كوميسسيا قۇرىلادى»،- دەدى ول.

ەسكە سالايىق، 16-اقپاندا الماتى اۋەجايىنداعى قولايسىز اۋا رايىنا بايلانىستى ءبىرقاتار رەيس كەشىكتى. كەيىن Air Astana الماتى اۋەجايىنداعى رەيستەردىڭ كەشىگۋ سەبەبىن ءتۇسىندىردى.