الماتى اۋەجايىنىڭ جاڭا تەرمينالى العاشقى رەيستەردى قابىلدادى

الماتى. KAZINFORM - جازدىڭ ءبىرىنشى كۇنى الماتى قالاسى اۋەجايىنىڭ جاڭا تەرمينالىالعاشقى رەيستەردى قابىلدادى.

«ەير استانا» اۋەكومپانياسىنىڭ لوندون-الماتى باعىتى بويىنشا ۇشقان اۋە كەمەسى تاڭعى 8-50 دە اۋەجايعا كەلىپ قوندى (ك س-664 رەيسى). اۋە كەمەسىندە 94 جولاۋشى بولدى. ال ساعات 09-50-دە العاشقى بولىپ الماتى - دوحا باعىتى بويىنشا «ەير استانا» اۋە كومپانياسىنىڭ اۋە كەمەسى ۇشادى (ك س-653). بورتتا 166 جولاۋشى بار.

اۋەجاي اتىنان جاڭا تەرمينالدىڭ العاشقى جولاۋشىلارىنا ەستەلىك سىيلىقتار تابىستالدى.

«الماتى قالاسى اۋەجايىنىڭ جاڭا تەرمينالىنىڭ قۇرىلىسى 2021 -جىلدىڭ مامىرىندا باستالدى جانە تولىعىمەن ينۆەستيتسيا ەسەبىنەن جۇزەگە اسىرىلدى. تەرمينالدىڭ اۋماعى 53 مىڭ شارشى مەتردى قۇرايدى.

جاڭا تەرمينالدا 7 تەلەسكوپيالىق تراپ، 50 تىركەۋ تىرەگى، 6,2 مىڭ باگاجدى وڭدەۋگە ارنالعان 4 لەنتا قاراستىرىلعان»، - دەپ جازدى كولىك مينيسترلىگىنەن.

جاڭا تەرمينال جىلىنا 14 ميلليون جولاۋشىنى وتكىزۋگە قابىلەتتى.

الداعى ۋاقىتتا اۋەجايدان 10 ەلگە 15 حالىقارالىق مارشرۋت بويىنشا وتاندىق جانە شەتەلدىك كومپانيالار قاتىنايدى.

اۆتور
الما مۇقانوۆا