الماتى اۋەجايىنداعى وقيعا: ءىس قوسىمشا تەرگەۋدەن كەيىن قايتا سوتقا جولداندى
21:12, 01 - شىلدە 2025
استانا. قازاقپارات – 7-ناۋرىزدا الماتى اۋەجايىنىڭ قىزمەتكەرىن كەپىلگە العان ماشراپبەك باراتوۆتىڭ ءىسى قوسىمشا تەرگەۋ اياقتالعاننان كەيىن قايتا سوتقا جولداندى.
باس كولىك پروكۋراتۋراسىنىڭ باسپا ءسوز قىزمەتى مالىمەتىنشە، 30-ماۋسىمدا ماشراپبەك باراتوۆقا قاتىستى قىلمىستىق ءىس الماتىنىڭ تۇركسىب اۋداندىق سوتىنا جولدانعان.
«ول الماتى حالىقارالىق اۋەجايىندا كەپىلگە الۋ، بۇزاقىلىق جاساۋ، سونداي-اق، تەرروريزم اكتىسى تۋرالى كورىنەۋ جالعان حابار بەرۋ دەرەكتەرى بويىنشا ايىپتالىپ وتىر»، - دەدى ۆەدومستۆو وكىلدەرى.
سوت پروتسەسى قاشان باستالاتىنى ازىرگە حابارلانعان جوق.