الماتى اۋەجايىنداعى وقيعا: ءىس قايتا سوتقا جولداندى

الماتى. KAZINFORM - كولىكتەگى پوليسيا دەپارتامەنتى الماتى اۋەجايىندا ادامدى كەپىلگە الۋ ءىسى بويىنشا قايتا تەرگەۋدىڭ قورىتىندىسىن حابارلادى.

بيىل 7-ءساۋىر كۇنى تۇركسىب اۋداندىق سوتىندا الماتى اۋەجايىندا قىزمەتكەردى كەپىلگە العان ماشراپبەك باراتوۆقا قاتىستى سوت وتىرىسى باستالدى.

سوتتا كۇدىكتىگە قاتىستى ق ك- ءنىڭ 293-بابىنىڭ 3-بولىگى، 261-بابى، 2-بولىگى، 4-تارماعى، 273-بابى بويىنشا سوتقا دەيىنگى جەدەلدەتىلگەن تەرگەپ-تەكسەرۋ حاتتاماسىمەن قىلمىستىق ءىس قارالدى. الايدا سوتتالۋشى ق ك-ءنىڭ 261-بابىنىڭ 2-بولىگىنىڭ 4-تارماعىمەن تاعىلعان ايىپ بويىنشا كىناسىن مويىندامادى. سوندىقتان تۇركسىب اۋداندىق سوتى كۇدىكتىگە قاتىستى سوتقا دەيىنگى جەدەلدەتىلگەن ءىس جۇرگىزۋ ءىسىن جالپى تارتىپتە سوتقا دەيىنگى تەرگەپ-تەكسەرۋ ءۇشىن پروكۋرورعا قايتاردى.

كولىكتەگى پوليتسيا دەپارتامەنتىنىڭ مالىمەتىنشە، قوسىمشا سوتقا دەيىنگى تەرگەپ-تەكسەرۋ ماشراپبەك باراتوۆتىڭ قىلمىستىق ارەكەتىنە قاتىستى ايىپتاۋدى وزگەرىسسىز قالدىردى.

- سوتقا دەيىنگى تەرگەپ-تەكسەرۋ بارىسىندا م. ابدرايم ق ر قىلمىستىق-پروتسەستىك كودەكسىنىڭ 71-بابىنا سايكەس جابىرلەنۋشى دەپ تانىلدى. قىلمىستىق ءىس بويىنشا تەرگەۋ اياقتالىپ، ءىس سوتقا جولداندى، - دەپ حابارلادى دەپارتامەنتتەن.

ەسكە سالايىق، بۇعان دەيىن الماتى اۋەجايىندا قىزمەتكەردى كەپىلگە العان ايىپتالۋشىعا قاتىستى ءىستىڭ قانداي ساتىدا ەكەنىن جازعانبىز.

ەسكە سالايىق، 7-ناۋرىز كۇنى الماتى اۋەجايىندا ەر ادام قىزدى كەپىلگە الىپ، كوپشىلىك الدىندا پىشاق كەزەندى.

مۇسا ءابدىرايىم كۇدىكتىگە ءوزىن كەپىلگە ۇسىنىپ، قىزمەتكەردىڭ ورنىنا تۇرعان. ەر ادام ءتارتىپ ساقشىلارىمەن كەلىسسوزگە الاڭداعان تۇستا ول كۇدىكتىنىڭ قولىنداعى پىشاقتى جۇلىپ الدى.