الماتى اۋەجايىندا فرانسيانىڭ جالعان پاسپورتىن كورسەتكەن ەكى شەتەلدىك ۇستالدى
11:37, 06 - ناۋرىز 2024
الماتى. KAZINFORM – ۇ ق ك شەكارا قىزمەتى قازاقستان اۋماعىن زاڭسىز كوشى-قون ءۇشىن مارشرۋت رەتىندە پايدالانۋدىڭ كەزەكتى ارەكەتىنىڭ جولىن كەستى.
ايتالىق، 1-ناۋرىزدا الماتى قالاسىنىڭ حالىقارالىق اۋەجايىندا شەكارالىق باقىلاۋ كەزىندە فرانسيا رەسپۋبليكاسىنىڭ جالعان قۇجاتىن ۇسىنعان 2 شەتەلدىك ازامات ۇستالدى.
ارنايى تەحنيكالىق قۇرالداردى پايدالانا وتىرىپ، ولاردىڭ جارامسىزدىعى راستالدى.
جالعان ءتولقۇجاتتار الىندى، شەتەلدىك ازاماتتار دەپورتاتسيالاندى.
2024-جىلدىڭ باسىنان شەكاراشىلار وتكىزۋ بەكەتتەرىندە جارامسىز جانە بوتەن تولقۇجات پايدالانۋدىڭ 38 فاكتىسىنىڭ جولىن كەستى.
ۇ ق ك شەكارا قىزمەتى جالعان قۇجاتتاردى پايدالانا وتىرىپ، شەكارانى بۇزعانى ءۇشىن قىلمىستىق جاۋاپكەرشىلىك كوزدەلگەنىن حابارلايدى.
اۆتور
جانات قاپالبايەۆا